1 Chronicles 24:3 Cross References - HOT

3 ויחלקם דויד וצדוק מן בני אלעזר ואחימלך מן בני איתמר לפקדתם בעבדתם׃

1 Samuel 21:1

1 (21:2) ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואישׁ אין אתך׃

1 Samuel 22:9-23

9 ויען דאג האדמי והוא נצב על עבדי שׁאול ויאמר ראיתי את בן ישׁי בא נבה אל אחימלך בן אחטוב׃10 וישׁאל לו ביהוה וצידה נתן לו ואת חרב גלית הפלשׁתי נתן׃11 וישׁלח המלך לקרא את אחימלך בן אחיטוב הכהן ואת כל בית אביו הכהנים אשׁר בנב ויבאו כלם אל המלך׃12 ויאמר שׁאול שׁמע נא בן אחיטוב ויאמר הנני אדני׃13 ויאמר אלו שׁאול למה קשׁרתם עלי אתה ובן ישׁי בתתך לו לחם וחרב ושׁאול לו באלהים לקום אלי לארב כיום הזה׃14 ויען אחימלך את המלך ויאמר ומי בכל עבדיך כדוד נאמן וחתן המלך וסר אל משׁמעתך ונכבד בביתך׃15 היום החלתי לשׁאול לו באלהים חלילה לי אל ישׂם המלך בעבדו דבר בכל בית אבי כי לא ידע עבדך בכל זאת דבר קטן או גדול׃16 ויאמר המלך מות תמות אחימלך אתה וכל בית אביך׃17 ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו ולא אבו עבדי המלך לשׁלח את ידם לפגע בכהני יהוה׃18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שׁמנים וחמשׁה אישׁ נשׂא אפוד בד׃19 ואת נב עיר הכהנים הכה לפי חרב מאישׁ ועד אשׁה מעולל ועד יונק ושׁור וחמור ושׂה לפי חרב׃20 וימלט בן אחד לאחימלך בן אחטוב ושׁמו אביתר ויברח אחרי דוד׃21 ויגד אביתר לדוד כי הרג שׁאול את כהני יהוה׃22 ויאמר דוד לאביתר ידעתי ביום ההוא כי שׁם דויג האדמי כי הגד יגיד לשׁאול אנכי סבתי בכל נפשׁ בית אביך׃23 שׁבה אתי אל תירא כי אשׁר יבקשׁ את נפשׁי יבקשׁ את נפשׁך כי משׁמרת אתה עמדי׃

2 Samuel 8:17

17 וצדוק בן אחיטוב ואחימלך בן אביתר כהנים ושׂריה סופר׃

2 Samuel 20:25

25 ושׁיא ספר וצדוק ואביתר כהנים׃

1 Kings 2:35

35 ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃

1 Chronicles 6:4-8

4 (5:30) אלעזר הוליד את פינחס פינחס הליד את אבישׁוע׃5 (5:31) ואבישׁוע הוליד את בקי ובקי הוליד את עזי׃6 (5:32) ועזי הוליד את זרחיה וזרחיה הוליד את מריות׃7 (5:33) מריות הוליד את אמריה ואמריה הוליד את אחיטוב׃8 (5:34) ואחיטוב הוליד את צדוק וצדוק הוליד את אחימעץ׃

1 Chronicles 6:50-53

50 (6:35) ואלה בני אהרן אלעזר בנו פינחס בנו אבישׁוע בנו׃51 (6:36) בקי בנו עזי בנו זרחיה בנו׃52 (6:37) מריות בנו אמריה בנו אחיטוב בנו׃53 (6:38) צדוק בנו אחימעץ בנו׃

1 Chronicles 12:27-28

27 (12:28) ויהוידע הנגיד לאהרן ועמו שׁלשׁת אלפים ושׁבע מאות׃28 (12:29) וצדוק נער גבור חיל ובית אביו שׂרים עשׂרים ושׁנים׃

1 Chronicles 15:11

11 ויקרא דויד לצדוק ולאביתר הכהנים וללוים לאוריאל עשׂיה ויואל שׁמעיה ואליאל ועמינדב׃

1 Chronicles 16:39

39 ואת צדוק הכהן ואחיו הכהנים לפני משׁכן יהוה בבמה אשׁר בגבעון׃

1 Chronicles 24:6

6 ויכתבם שׁמעיה בן נתנאל הסופר מן הלוי לפני המלך והשׂרים וצדוק הכהן ואחימלך בן אביתר וראשׁי האבות לכהנים וללוים בית אב אחד אחז לאלעזר ואחז אחז לאיתמר׃

1 Chronicles 24:31

31 ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשׁי האבות לכהנים וללוים אבות הראשׁ לעמת אחיו הקטן׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.