1 Chronicles 22:10 Cross References - HOT

¹⁰ הוא יבנה בית לשׁמי והוא יהיה לי לבן ואני לו לאב והכינותי כסא מלכותו על ישׂראל עד עולם׃

2 Samuel 7:13-14

¹³ הוא יבנה בית לשׁמי וכננתי את כסא ממלכתו עד עולם׃¹⁴ אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃

1 Kings 5:5

⁵ (5:19) והנני אמר לבנות בית לשׁם יהוה אלהי כאשׁר דבר יהוה אל דוד אבי לאמר בנך אשׁר אתן תחתיך על כסאך הוא יבנה הבית לשׁמי׃

1 Kings 8:19-20

¹⁹ רק אתה לא תבנה הבית כי אם בנך היצא מחלציך הוא יבנה הבית לשׁמי׃²⁰ ויקם יהוה את דברו אשׁר דבר ואקם תחת דוד אבי ואשׁב על כסא ישׂראל כאשׁר דבר יהוה ואבנה הבית לשׁם יהוה אלהי ישׂראל׃

1 Chronicles 17:12-14

¹² הוא יבנה לי בית וכננתי את כסאו עד עולם׃¹³ אני אהיה לו לאב והוא יהיה לי לבן וחסדי לא אסיר מעמו כאשׁר הסירותי מאשׁר היה לפניך׃¹⁴ והעמדתיהו בביתי ובמלכותי עד העולם וכסאו יהיה נכון עד עולם׃

1 Chronicles 28:6-7

⁶ ויאמר לי שׁלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃⁷ והכינותי את מלכותו עד לעולם אם יחזק לעשׂות מצותי ומשׁפטי כיום הזה׃

Psalms 89:26

²⁶ (89:27) הוא יקראני אבי אתה אלי וצור ישׁועתי׃

Psalms 89:36-37

³⁶ (89:37) זרעו לעולם יהיה וכסאו כשׁמשׁ נגדי׃³⁷ (89:38) כירח יכון עולם ועד בשׁחק נאמן סלה׃

Isaiah 9:7

⁷ (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃

Zechariah 6:12-13

¹² ואמרת אליו לאמר כה אמר יהוה צבאות לאמר הנה אישׁ צמח שׁמו ומתחתיו יצמח ובנה את היכל יהוה׃¹³ והוא יבנה את היכל יהוה והוא ישׂא הוד וישׁב ומשׁל על כסאו והיה כהן על כסאו ועצת שׁלום תהיה בין שׁניהם׃