1 Chronicles 14:3 Cross References - HOT

3 ויקח דויד עוד נשׁים בירושׁלם ויולד דויד עוד בנים ובנות׃

Deuteronomy 17:17

17 ולא ירבה לו נשׁים ולא יסור לבבו וכסף וזהב לא ירבה לו מאד׃

2 Samuel 5:13

13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃

1 Kings 11:3

3 ויהי לו נשׁים שׂרות שׁבע מאות ופלגשׁים שׁלשׁ מאות ויטו נשׁיו את לבו׃

1 Chronicles 3:1-4

1 ואלה היו בני דויד אשׁר נולד לו בחברון הבכור אמנן לאחינעם היזרעאלית שׁני דניאל לאביגיל הכרמלית׃2 השׁלשׁי לאבשׁלום בן מעכה בת תלמי מלך גשׁור הרביעי אדניה בן חגית׃3 החמישׁי שׁפטיה לאביטל השׁשׁי יתרעם לעגלה אשׁתו׃4 שׁשׁה נולד לו בחברון וימלך שׁם שׁבע שׁנים ושׁשׁה חדשׁים ושׁלשׁים ושׁלושׁ שׁנה מלך בירושׁלם׃

Proverbs 5:18-19

18 יהי מקורך ברוך ושׂמח מאשׁת נעורך׃19 אילת אהבים ויעלת חן דדיה ירוך בכל עת באהבתה תשׁגה תמיד׃

Ecclesiastes 7:26-29

26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃27 ראה זה מצאתי אמרה קהלת אחת לאחת למצא חשׁבון׃28 אשׁר עוד בקשׁה נפשׁי ולא מצאתי אדם אחד מאלף מצאתי ואשׁה בכל אלה לא מצאתי׃29 לבד ראה זה מצאתי אשׁר עשׂה האלהים את האדם ישׁר והמה בקשׁו חשׁבנות רבים׃

Ecclesiastes 9:9

9 ראה חיים עם אשׁה אשׁר אהבת כל ימי חיי הבלך אשׁר נתן לך תחת השׁמשׁ כל ימי הבלך כי הוא חלקך בחיים ובעמלך אשׁר אתה עמל תחת השׁמשׁ׃

Malachi 2:14

14 ואמרתם על מה על כי יהוה העיד בינך ובין אשׁת נעוריך אשׁר אתה בגדתה בה והיא חברתך ואשׁת בריתך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.