1 Chronicles 15:20 Cross References - Esperanto

²⁰ Zehxarja, Aziel, SXemiramot, Jehxiel, Uni, Eliab, Maaseja, kaj Benaja- sur psalteroj, por sopranuloj;

¹ Al la hxorestro. De la Korahxidoj. Por sopranuloj. Kanto. Dio estas por ni rifugxejo kaj forto, Helpo en mizeroj, rapide trovata. ² Tial ni ne timas, ecx se pereus la tero Kaj la montoj falus en la internon de la maroj. ³ Bruu, bolu Liaj akvoj, Tremu la montoj de ilia fiera ondado. Sela. ⁴ Estas rivero, kies torentoj gxojigas la urbon de Dio, La sanktan logxejon de la Plejaltulo. ⁵ Dio estas en gxia mezo, gxi ne sxanceligxos; Dio gxin helpas en frua mateno. ⁶ Ekbruis popoloj, eksxanceligxis regnoj; Li sonigis Sian vocxon, kaj la tero fandigxis. ⁷ La Eternulo Cebaot estas kun ni; Nia defendo estas la Dio de Jakob. Sela. ⁸ Iru, rigardu la farojn de la Eternulo, Kiu faris detruojn sur la tero, ⁹ Kiu cxesigas militojn gxis la fino de la tero, Rompas pafarkon, rompas ponardegon, Forbruligas veturilojn per fajro. ¹⁰ Cedu, kaj sciu, ke Mi estas Dio; Mi estas glora inter la popoloj, Mi estas glora sur la tero. ¹¹ La Eternulo Cebaot estas kun ni; Nia defendo estas la Dio de Jakob. Sela.