Luke 24:34 Cross References - Clementine_Vulgate

³⁴ dicentes: Quod surrexit Dominus vere, et apparuit Simoni.

⁷ Sed ite, dicite discipulis ejus, et Petro, quia præcedit vos in Galilæam: ibi eum videbitis, sicut dixit vobis.

⁵⁴ Comprehendentes autem eum, duxerunt ad domum principis sacerdotum: Petrus vero sequebatur a longe. ⁵⁵ Accenso autem igne in medio atrii et circumsedentibus illis, erat Petrus in medio eorum. ⁵⁶ Quem cum vidisset ancilla quædam sedentem ad lumen, et eum fuisset intuita, dixit: Et hic cum illo erat. ⁵⁷ At ille negavit eum, dicens: Mulier, non novi illum. ⁵⁸ Et post pusillum alius videns eum, dixit: Et tu de illis es. Petrus vero ait: O homo, non sum. ⁵⁹ Et intervallo facto quasi horæ unius, alius quidam affirmabat, dicens: Vere et hic cum illo erat: nam et Galilæus est. ⁶⁰ Et ait Petrus: Homo, nescio quid dicis. Et continuo, adhuc illo loquente, cantavit gallus. ⁶¹ { Et conversus Dominus respexit Petrum, et recordatus est Petrus verbi Domini, sicut dixerat: Quia priusquam gallus cantet, ter me negabis.} ⁶² Et egressus foras Petrus flevit amare.

⁵ et quia visus est Cephæ, et post hoc undecim: