Deuteronomy 28:24 Cross References - Clementine_Vulgate

²⁴ Det Dominus imbrem terræ tuæ pulverem, et de cælo descendat super te cinis, donec conteraris.

²⁴ Igitur Dominus pluit super Sodomam et Gomorrham sulphur et ignem a Domino de cælo:

¹² Aperiet Dominus thesaurum suum optimum, cælum, ut tribuat pluviam terræ tuæ in tempore suo: benedicetque cunctis operibus manuum tuarum. Et fœnerabis gentibus multis, et ipse a nullo fœnus accipies.

¹⁵ Habitent in tabernaculo illius socii ejus qui non est; aspergatur in tabernaculo ejus sulphur. ¹⁶ Deorsum radices ejus siccentur: sursum autem atteratur messis ejus. ¹⁷ Memoria illius pereat de terra, et non celebretur nomen ejus in plateis. ¹⁸ Expellet eum de luce in tenebras, et de orbe transferet eum. ¹⁹ Non erit semen ejus, neque progenies in populo suo, nec ullæ reliquiæ in regionibus ejus. ²⁰ In die ejus stupebunt novissimi, et primos invadet horror. ²¹ Hæc sunt ergo tabernacula iniqui, et iste locus ejus qui ignorat Deum.]

²⁴ Propter hoc, sicut devorat stipulam lingua ignis, et calor flammæ exurit, sic radix eorum quasi favilla erit, et germen eorum ut pulvis ascendet; abjecerunt enim legem Domini exercituum, et eloquium sancti Israël blasphemaverunt.

¹¹ Subverti vos sicut subvertit Deus Sodomam et Gomorrham, et facti estis quasi torris raptus ab incendio: et non redistis ad me, dicit Dominus.