Bible verses about "soul" | Wycliffe

⁵ Lord, be thou conuertid, and delyuere my soule; make thou me saaf, for thi merci.

²⁰ Thilke soule that doith synne, schal die; the sone schal not bere the wickidnesse of the fadir, and the fadir schal not bere the wickednesse of the sone; the riytfulnesse of a iust man schal be on hym, and the wickidnesse of a wickid man schal be on hym.

⁴¹ Thanne thei that resseyueden his word weren baptisid, and in that dai soulis weren encreesid, aboute thre thousinde;

³ Who schal stie in to the hil of the Lord; ethir who schal stonde in the hooli place of hym?

⁵ Thou art thi silf, my kyng and my God; that sendist helthis to Jacob.

²⁷ For thou schalt not leeue my soule in helle, nethir thou schalt yiue thin hooli to se corrupcioun.

⁵¹ Lo! Y seie to you priuyte of hooli thingis. And alle we schulen rise ayen, but not alle we schulen be chaungid; ⁵² in a moment, in the twynklyng of an iye, in the laste trumpe; for the trumpe schal sowne, and deed men schulen rise ayen, with oute corrupcioun, and we schulen be chaungid. ⁵³ For it byhoueth this corruptible thing to clothe vncorrupcioun, and this deedli thing to putte awei vndeedlinesse. ⁵⁴ But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie. ⁵⁵ Deth, where is thi victorie? Deth, where is thi pricke?

²⁶ For what profitith it to a man, if he wynne al the world, and suffre peiryng of his soule? or what chaunging schal a man yyue for his soule?

²⁸ And nyle ye drede hem that sleen the bodi; for thei moun not sle the soule; but rather drede ye hym, that mai lese bothe soule and bodi in to helle.

⁴ Lo! alle soulis ben myne; as the soule of the fadir, so and the soule of the sone is myn. Thilke soule that doith synne, schal die.

⁵ Thou schalt loue thi Lord God of al thin herte, and of al thi soule, and of al thi strengthe.

⁷ and dust turne ayen in to his erthe, wherof it was, and the spirit turne ayen to God, that yaf it.

⁷ Therfor the Lord God formede man of the sliym of erthe, and brethide in to his face the brething of lijf; and man was maad in to a lyuynge soule.