Bible verses about "socialism" | Wycliffe

²¹ Jhesus seith to hym, If thou wolt be perfite, go, and sille alle thingis that thou hast, and yyue to pore men, and thou schalt haue tresoure in heuene; and come, and sue me.

¹¹ He answeride, and seide to hem, He that hath twei cootis, yyue to hym that hath noon; and he that hath metis, do in lijk maner.

³² And of al the multitude of men bileuynge was oon herte and oon wille; nether ony man seide ony thingis of tho thingis that he weldide to be his owne, but alle thingis weren comyn to hem. ³³ And with greet vertu the apostlis yeldiden witnessyng of the ayenrysyng of Jhesu Crist oure Lord, and greet grace was in alle hem. ³⁴ For nether ony nedi man was among hem, for how manye euere weren possessouris of feeldis, ether of housis, thei seelden, and brouyten the pricis of tho thingis that thei seelden, ³⁵ and leiden bifor the feet of the apostlis. And it was departid to ech, as it was nede to ech.

²⁸ He that stal, now stele he not; but more trauele he in worchinge with hise hondis that that is good, that he haue whereof he schal yyue to nedi.

² Ech bere othere chargis, and so ye schulen fulfille the lawe of Crist.

¹³ And not that it be remyssioun to othere men, and to you tribulacioun; ¹⁴ but of euenesse in the present tyme youre aboundance fulfille the myseese of hem, that also the aboundaunce of hem be a fulfillynge of youre myseise, that euenesse be maad; as it is writun, ¹⁵ He that gaderide myche, was not encresid, and he that gaderide litil, hadde not lesse.

¹⁰ For also whanne we weren among you, we denounsiden this thing to you, that if ony man wole not worche, nethir ete he.

⁴⁴ And alle that bileueden weren togidre, and hadden alle thingis comyn. ⁴⁵ Thei selden possessiouns and catel, and departiden tho thingis to alle men, as it was nede to ech.

² Therfore whanne thou doist almes, nyle thou trumpe tofore thee, as ypocritis doon in synagogis and stretis, that thei be worschipid of men; sotheli Y seie to you, they han resseyued her meede. ³ But whanne thou doist almes, knowe not thi left hond what thi riyt hond doith, that thin almes be in hidils, ⁴ and thi fadir that seeth in hiddils, schal quyte thee.