Bible verses about "sin" | Wycliffe

⁷ Whether not if thou schalt do wel, thou schalt resseyue; but if thou doist yuele, thi synne schal be present anoon in the yatis? but the desir therof schal be vndur thee, and thou schalt be lord therof.

⁴⁸ Therfore be ye parfit, as youre heuenli fadir is parfit.

¹⁶ For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf. ¹⁷ For God sente not his sone in to the world, that he iuge the world, but that the world be saued bi him.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

¹⁶ And Y seie you in Crist, walke ye in spirit, and ye schulen not performe the desiris of the fleisch.

⁴ Ech man that doith synne, doith also wickidnesse, and synne is wickidnesse.

¹⁷ Ech wickidnesse is synne, and ther is synne to deth.

¹ But wite thou this thing, that in the laste daies perelouse tymes schulen neiye, and men schulen be louynge hem silf, ² coueitouse, hiy of bering, proude, blasfemeris, not obedient to fadir and modir, vnkynde, ³ cursid, with outen affeccioun, with out pees, false blameris, vncontynent, vnmylde, ⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God, ⁵ hauynge the licknesse of pitee, but denyynge the vertu of it. And eschewe thou these men.

¹⁵ Aftirward coueityng, whanne it hath conseyued, bringith forth synne; but synne, whanne it is fillid, gendrith deth.

⁵ Thou louedist malice more than benygnite; `thou louedist wickidnesse more than to speke equite.

²⁰ But he seide, The thingis that gon out of a man, tho defoulen a man. ²¹ For fro with ynne, of the herte of men comen forth yuel thouytis, auowtries, ²² fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli. ²³ Alle these yuels comen forth fro with ynne, and defoulen a man.

¹³ Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

⁷ Therfor be ye suget to God; but withstonde ye the deuel, and he schal fle fro you.

²³ For alle men synneden, and han nede to the glorie of God;

⁸ If we seien, that we han no synne, we disseyuen vs silf, and treuthe is not in vs. ⁹ If we knowlechen oure synnes, he is feithful and iust, that he foryyue to vs oure synnes, and clense vs from al wickidnesse. ¹⁰ And if we seien, we han not synned, we maken hym a liere, and his word is not in vs.

¹⁷ Therfor it is synne to hym, that kan do good, and doith not.