Bible verses about "sex" | Wycliffe

¹⁴ Thou schalt `do no letcherie.

³² But he that is avouter; schal leese his soule, for the pouert of herte.

⁵ Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

¹³ Mete to the wombe, and the wombe to metis; and God schal distruye bothe this and that. And the bodi not to fornycacioun, but to the Lord, and the Lord to the bodi.

⁹ Whether ye witen not, that wickid men schulen not welde the kyngdom of God? Nyle ye erre; nethir letchours, nether men that seruen mawmetis, nether auouteris, ¹⁰ nether letchouris ayen kynde, nether thei that doon letcheri with men, nether theues, nether auerouse men, nethir `ful of drunkenesse, nether curseris, nether rauenours, schulen welde the kyngdom of God.

¹³ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye; ¹⁴ but be ye clothid in the Lord Jhesu Crist, and do ye not the bisynesse of fleisch in desiris.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

⁷ And so aftir many daies the ladi castide hir iyen in to Joseph, and seide, Slepe thou with me; ⁸ which assentide not to the vnleueful werk, and seide to hir, Lo! while alle thingis ben bitakun to me, my lord woot not what he hath in his hows, ⁹ nether ony thing is, which is not in my power, ether which `he hath not bitake to me, outakun thee, which art his wijf; how therfor may Y do this yuel, and do synne ayens my lord? <sup>10</sup> Thei spaken siche wordis `bi alle daies, and the womman was diseseful to the yong waxynge man, and he forsook auoutrie.

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi. ¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne? ²⁰ For ye ben bouyt with greet prijs. Glorifie ye, and bere ye God in youre bodi.

⁵ Nyle ye defraude eche to othere, but perauenture of consent to a tyme, that ye yyue tent to preier; and eft turne ye ayen to the same thing, lest Sathanas tempte you for youre vncontynence.

²⁸ But Y seie to you, that euery man that seeth a womman for to coueite hir, hath now do letcherie bi hir in his herte.

³ For this is the wille of God, youre holynesse, that ye absteyne you fro fornycacioun. ⁴ That ech of you kunne welde his vessel in holynesse, and onour; ⁵ not in passioun of lust, as hethene men that knowen not God.

¹⁸ Thi veyne be blessid; and be thou glad with the womman of thi yong wexynge age. ¹⁹ An hynde moost dereworthe; and an hert calf moost acceptable. Hir teetis fille thee in al tyme; and delite thou contynueli in the loue of hir.

² But for fornycacioun eche man haue his owne wijf, and ech womman haue hir owne hosebonde.

²⁴ Wherfor a man schal forsake fadir and modir, and schal cleue to his wijf, and thei schulen be tweyne in o fleisch.

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

³ The hosebonde yelde dette to the wijf, and also the wijf to the hosebonde. ⁴ The womman hath not power of hir bodi, but the hosebonde; and the hosebonde hath not power of his bodi, but the womman. ⁵ Nyle ye defraude eche to othere, but perauenture of consent to a tyme, that ye yyue tent to preier; and eft turne ye ayen to the same thing, lest Sathanas tempte you for youre vncontynence.

⁴ `Wedding is in alle thingis onourable, and bed vnwemmed; for God schal deme fornicatouris and auouteris.