Bible verses about "self-pity" | Wycliffe

Psalms 118:13

13 In my lippis Y haue pronounsid; alle the domes of thi mouth.

Jeremiah 20:14-18

14 Cursid be the dai where ynne Y was borun, the dai where ynne my modir childide me, be not blessid. 15 Cursid be the man, that telde to my fadir, and seide, A knaue child is borun to thee, and made hym glad as with ioye. 16 Thilke man be as the citees ben, whiche the Lord distriede, and it repentide not hym; 17 he that killide not me fro the wombe, here cry eerli, and yellynge in the tyme of myddai; that my modir were a sepulcre to me, and hir wombe were euerlastinge conseyuyng. 18 Whi yede Y out of the wombe, that Y schulde se trauel and sorewe, and that mi daies schulen be waastid in schenschipe?

Matthew 5:3

3 Blessed ben pore men in spirit, for the kyngdom of heuenes is herne.

1 Corinthians 6:19

19 Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne?

James 1:1-27

1 James, the seruaunt of God, and of oure Lord Jhesu Crist, to the twelue kinredis, that ben in scatering abrood, helthe. 2 My britheren, deme ye al ioye, whanne ye fallen in to diuerse temptaciouns, witynge, 3 that the preuyng of youre feith worchith pacience; 4 and pacience hath a perfit werk, that ye be perfit and hole, and faile in no thing. 5 And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym. 6 But axe he in feith, and doute no thing; for he that doutith, is lijk to a wawe of the see, which is moued and borun a boute of wynde. 7 Therfor gesse not the ilke man, that he schal take ony thing of the Lord. 8 A man dowble in soule is vnstable in alle hise weies. 9 And a meke brother haue glorie in his enhaunsyng, 10 and a riche man in his lownesse; for as the flour of gras he schal passe. 11 The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies. 12 Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym. 13 No man whanne he is temptid, seie, that he is temptid of God; for whi God is not a temptere of yuele thingis, for he temptith no man. 14 But ech man is temptid, drawun and stirid of his owne coueiting. 15 Aftirward coueityng, whanne it hath conseyued, bringith forth synne; but synne, whanne it is fillid, gendrith deth. 16 Therfor, my most dereworthe britheren, nyle ye erre. 17 Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward. 18 For wilfulli he bigat vs bi the word of treuthe, that we be a bigynnyng of his creature. 19 Wite ye, my britheren moost loued, be ech man swift to here, but slow to speke, and slow to wraththe; 20 for the wraththe of man worchith not the riytwisnesse of God. 21 For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis. 22 But be ye doeris of the word, and not hereris oneli, disseiuynge you silf. 23 For if ony man is an herere of the word, and not a doere, this schal be licned to a man that biholdith the cheer of his birthe in a mirour; 24 for he bihelde hym silf, and wente awei, and anoon he foryat which he was. 25 But he that biholdith in the lawe of perfit fredom, and dwellith in it, and is not maad a foryetful herere, but a doere of werk, this schal be blessid in his dede. 26 And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn. 27 A clene religioun, and an vnwemmed anentis God and the fadir, is this, to visite fadirles and modirles children, and widewis in her tribulacioun, and to kepe hym silf vndefoulid fro this world.

James 4:7

7 Therfor be ye suget to God; but withstonde ye the deuel, and he schal fle fro you.

Psalms 13:1-6

1 The `title of the threttenthe salm. To the victorie of Dauid. 2 The Lord bihelde fro heuene on the sones of men; that he se, if ony is vndurstondynge, ethir sekynge God. 3 Alle bowiden awei, togidere thei ben maad vnprofitable; noon is that doth good, noon is `til to oon. The throte of hem is an open sepulcre, thei diden gilefuli with her tungis; the venym of snakis is vndur her lippis. Whos mouth is ful of cursyng and bittirnesse; her feet ben swift to schede out blood. Sorewe and cursidnesse is in the weies of hem, and thei knewen not the weie of pees; the drede of God is not bifor her iyen. 4 Whether alle men that worchen wickidnesse schulen not knowe; that deuowren my puple, as mete of breed? 5 Thei clepeden not the Lord; thei trembliden there for dreed, where was no drede; 6 for the Lord is in a riytful generacioun. Thou hast schent the counsel of a pore man; for the Lord is his hope.

Galatians 2:20

20 And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

Romans 12:2

2 And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

1 Peter 5:7

7 and caste ye al youre bisynesse in to hym, for to hym is cure of you.

Matthew 11:28-30

28 Alle ye that traueilen, and ben chargid, come to me, and Y schal fulfille you. 29 Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis. 30 `For my yok is softe, and my charge liyt.

1 Corinthians 10:13

13 Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

Philippians 4:6

6 Be ye nothing bisi, but in al preyer and biseching, with doyng of thankyngis, be youre axyngis knowun at God.

James 1:2-12

2 My britheren, deme ye al ioye, whanne ye fallen in to diuerse temptaciouns, witynge, 3 that the preuyng of youre feith worchith pacience; 4 and pacience hath a perfit werk, that ye be perfit and hole, and faile in no thing. 5 And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym. 6 But axe he in feith, and doute no thing; for he that doutith, is lijk to a wawe of the see, which is moued and borun a boute of wynde. 7 Therfor gesse not the ilke man, that he schal take ony thing of the Lord. 8 A man dowble in soule is vnstable in alle hise weies. 9 And a meke brother haue glorie in his enhaunsyng, 10 and a riche man in his lownesse; for as the flour of gras he schal passe. 11 The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies. 12 Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

Romans 5:3

3 And not this oneli, but also we glorien in tribulaciouns, witynge that tribulacioun worchith pacience,

Topical data is from OpenBible.info, retrieved November 11, 2013, and licensed under a Creative Commons Attribution License.