Bible verses about "physical" | Wycliffe

¹⁵ As to prudent men Y speke, deme ye you silf that thing that Y seie. ¹⁶ Whether the cuppe of blessyng which we blessen, is not the comynyng of Cristis blood? and whether the breed which we breken, is not the takyng of the bodi of the Lord? ¹⁷ For we manye ben o breed and o bodi, alle we that taken part of o breed and of o cuppe.

²⁵ In lijk maner, and whether also Raab, the hoore, was not iustified of werkis, and resseyuede the messangeris, and sente hem out bi anothir weie? ²⁶ For as the bodi with out spirit is deed, so also feith with out werkis is deed.

¹⁸ For also Crist onys diede for oure synnes, he iust for vniust, that he schulde offre to God vs, maad deed in fleisch, but maad quik in spirit. ¹⁹ For which thing he cam in spirit, and also to hem that weren closid togidre in prisoun prechide; ²⁰ whiche weren sum tyme vnbileueful, whanne thei abididen the pacience of God in the daies of Noe, whanne the schip was maad, in which a few, that is to seie, eiyte soulis weren maad saaf bi water. ²¹ And so baptym of lijk forme makith vs saaf; not the puttyng awei of the filthis of fleisch, but the axyng of a good conscience in God, bi the ayenrysyng of oure Lord Jhesu Crist, that is in the riyt half of God, ²² and swolewith deth, that we schulden be made eiris of euerlastinge lijf. He yede in to heuene, and aungelis, and powers, and vertues, ben maad sugetis to hym.

¹¹ For no man may sette another foundement, outtakun that that is sett, which is Crist Jhesus. ¹² For if ony bildith ouer this foundement, gold, siluer, preciouse stoonys, stickis, hey, or stobil, euery mannus werk schal be open; ¹³ for the dai of the Lord schal declare, for it schal be schewid in fier; the fier schal preue the werk of ech man, what maner werk it is. ¹⁴ If the werk of ony man dwelle stille, which he bildide aboue, he schal resseyue mede. ¹⁵ If ony mannus werk brenne, he schal suffre harm; but he schal be saaf, so netheles as bi fier.

²⁰ But wolt thou wite, thou veyn man, that feith with out werkis is idul? ²¹ Whether Abraham, oure fadir, was not iustified of werkis, offringe Ysaac, his sone, on the auter? ²² Therfor thou seest, that feith wrouyte with hise werkis, and his feith was fillid of werkis. ²³ And the scripture was fillid, seiynge, Abraham bileuede to God, and it was arettid to hym to riytwisnesse, and he was clepid the freend of God. ²⁴ Ye seen that a man is iustified of werkis, and not of feith oneli.

⁵ Jhesus answeride, Treuli, treuli, Y seie to thee, but a man be borun ayen of watir, and of the Hooli Goost, he may not entre in to the kyngdom of God.

¹ Be ye my foleweris, as Y am of Crist. ² And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.