Bible verses about "order" | Wycliffe

Genesis 1:1

1 In the bigynnyng God made of nouyt heuene and erthe.

1 Corinthians 14:33

33 for whi God is not of discencioun, but of pees; as in alle chirchis of hooli men `Y teche.

2 Corinthians 12:20

20 But Y drede, lest whanne Y come, Y schal fynde you not suche as Y wole, and Y schal be foundun of you suche as ye wolen not; lest perauenture stryuyngis, enuyes, sturdynessis, dissenciouns and detraccions, preuy spechis of discord, bolnyngis bi pride, debatis ben among you;

Ecclesiastes 3:1-8

1 Alle thingis han tyme, and alle thingis vndur sunne passen bi her spaces. 2 Tyme of birthe, and time of diyng; tyme to plaunte, and tyme to drawe vp that that is plauntid. 3 Tyme to sle, and tyme to make hool; tyme to distrie, and tyme to bilde. 4 Tyme to wepe, and tyme to leiye; tyme to biweile, and tyme to daunse. 5 Tyme to scatere stoonys, and tyme to gadere togidere; tyme to colle, and tyme to be fer fro collyngis. 6 Tyme to wynne, and tyme to leese; tyme to kepe, and tyme to caste awei. 7 Tyme to kitte, and tyme to sewe togidere; tyme to be stille, and tyme to speke. 8 Tyme of loue, and tyme of hatrede; tyme of batel, and tyme of pees.

1 Corinthians 14:40

40 But be alle thingis don onestli, and bi due ordre in you.

Topical data is from, retrieved November 11, 2013, and licensed under a Creative Commons Attribution License.