Bible verses about "opportunity" | Wycliffe

²⁶ Make we man to oure ymage and liknesse, and be he souereyn to the fischis of the see, and to the volatilis of heuene, and to vnresonable beestis of erthe, and to ech creature, and to ech `crepynge beest, which is moued in erthe.

¹² and heelthe is not in ony othir. For nether other name vndur heuene is youun to men, in which it bihoueth vs to be maad saaf.

²⁶ Forwhi now a sacrifice for synnes is not left to vs, that synnen wilfuli, aftir that we han take the knowyng of treuthe.

¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis.

³ I settide not forth bifore myn iyen an vniust thing; Y hatide hem that maden trespassyngis.

¹⁵ He that goith in riytfulnessis, and spekith treuthe; he that castith awei aueryce of fals calenge, and schakith awei his hondis fro al yifte; he that stoppith his eeris, that he heere not blood, and closith his iyen, that he se not yuel. ¹⁶ This man schal dwelle in hiy thingis, the strengthis of stoonys ben the hiynesse of hym; breed is youun to hym, hise watris ben feithful.

⁵ Walke ye in wisdom to hem that ben with outen forth, ayenbiynge tyme.

⁸ For bi grace ye ben sauyd bi feith, and this not of you; for it is the yifte of God, ⁹ not of werkis, that no man haue glorie.

¹² Here is the pacience of seyntis, whiche kepen the maundementis of God, and the feith of Jhesu.

²⁶ For as the bodi with out spirit is deed, so also feith with out werkis is deed.

⁸ Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure.

¹⁰ Therfor while we han tyme, worche we good to alle men; but most to hem that ben homliche of the feith.

¹⁵ Therfor, britheren, se ye, hou warli ye schulen go; ¹⁶ not as vnwise men, but as wise men, ayenbiynge tyme, for the daies ben yuele. ¹⁷ Therfor nyle ye be maad vnwise, but vndurstondynge which is the wille of God. ¹⁸ And nyle ye be drunkun of wyn, in which is letcherie, but be ye fillid with the Hooli Goost; and speke ye to you silf in salmes, ¹⁹ and ymnes, and spiritual songis, syngynge and seiynge salm in youre hertis to the Lord; ²⁰ euermore doynge thankingis for alle thingis in the name of oure Lord Jhesu Crist to God and to the fadir.

⁹ The Lord tarieth not his biheest, as summe gessen, but he doith pacientli for you, and wole not that ony men perische, but that alle turne ayen to penaunce.

¹⁸ But summan schal seie, Thou hast feith, and Y haue werkis; schewe thou to me thi feith with out werkis, and Y schal schewe to thee my feith of werkis.