Bible verses about "muhammad" | Wycliffe

²⁵ and Ismael, his sone, hadde fillid threttene yeer in the tyme of his circumsicioun.

¹⁵ And Agar childide a sone to Abram, which clepide his name Ismael.

²⁵ That if thou schalt make an auter of stoon to me, thou schalt not bilde it of stoonys hewun; for if thou schalt reise thi knyif theronne, it schal be `polluted, ether defoulid.

¹⁶ His throte is moost swete, and he is al desirable. Ye douytris of Jerusalem, siche is my derlyng, and this is my freend.

¹ The Lord seith these thingis to my crist, Cirus, whos riythond Y took, that Y make suget folkis bifor his face, and turne the backis of kyngis; and Y schal opene yatis bifore hym, and yatis schulen not be closid.

¹⁶ of her fruytis ye schulen knowe hem. Whether men gaderen grapis of thornes, or figus of breris? ¹⁷ So euery good tre makith good fruytis; but an yuel tre makith yuel fruytis. ¹⁸ A good tre may not make yuel fruytis, nethir an yuel tre make good fruytis. ¹⁹ Euery tre that makith not good fruyt, schal be kyt doun, and schal be cast in to the fier. ²⁰ Therfor of her fruytis ye schulen knowe hem.

²⁶ the coumfortour, whom the fadir schal sende in my name, he schal teche you alle thingis, `and schal schewe to you alle thingis, what euere thingis Y schal seie to you.

¹² Yit Y haue many thingis for to seie to you, but ye moun not bere hem now. ¹³ But whanne thilke spirit of treuthe cometh, he schal teche you al trewthe; for he schal not speke of hym silf, but what euer thinges he schal here, he schal speke; and he schal telle to you tho thingis that ben to come.

¹⁹ And this is the witnessyng of Joon, whanne Jewis senten fro Jerusalem prestis and dekenes to hym, that thei schulden axe hym, Who art thou? ²⁰ He knoulechide, and denyede not, and he knoulechide, For Y am not Crist. ²¹ And thei axiden hym, What thanne? Art thou Elie? And he seide, Y am not. Art thou a profete? And he answeride, Nay. ²² Therfor thei seiden to hym, Who art thou? that we yyue an answere to these that senten vs. What seist thou of thi silf? ²³ He seide, Y am a vois of a crier in deseert, Dresse ye the weie of the Lord, as Ysaie, the prophete, seide. ²⁴ And thei that weren sent, weren of the Fariseis. ²⁵ And thei axiden hym, and seiden to hym, What thanne baptisist thou, if thou art not Crist, nether Elie, nether a profete?

¹ But also false prophetis weren in the puple, as in you schulen be maistris lieris, that schulen bringe in sectis of perdicioun; and thei denyen thilke Lord that bouyte hem, and bringen on hem silf hasti perdicioun. ² And many schulen sue her letcheries, bi whiche the weie of treuthe schal be blasfemyd; ³ and thei schulen make marchaundie of you in coueytise bi feyned wordis. To whiche doom now a while ago ceessith not, and the perdicioun of hem nappith not.

¹⁸ Y schal reise to hem a prophete, lijk thee, of the myddis of her britheren, and Y schal putte my wordis in his mouth, and he schal speke to hem alle thingis, whiche I schal comaunde to him.

¹ If a prophete risith in the myddis of thee, ethir he that seith hym silf to haue seyn a dreem, and he biforseith a signe and a wondur to comynge aftir, ² and this that he spak bifallith, and he seith to thee, Go we, and sue alien goddis, whiche thou knowist not, and serue we hem, ³ thou schalt not here the wordis of that prophete, ether of dremere; for youre Lord God assaieth you, that he wite opynli whether ye louen hym ether nay, in al youre herte, and in al youre soule.

⁴ And Jhesus answeride, and seide to hem, Loke ye, that no man disseyue you. ⁵ For many schulen come in my name, and schulen seie, Y am Crist; and thei schulen disseyue manye.