3 Ech man drede his fadir and his modir. Kepe ye my sabatis; Y am youre Lord God.
Bible verses about "mother" | Wycliffe
12 Onoure thi fadir and thi moder, that thou be long lyuyng on the lond, which thi Lord God schal yyue to thee.
9 He that cursith his fadir, ether modir, die bi deeth; if a man cursith fadir and modir, his blood be on hym.
6 It is a prouerbe, A yong wexynge man bisidis his weie, and whanne he hath wexe elde, he schal not go awei fro it.
20 The liyt of hym that cursith his fadir and modir, schal be quenchid in the myddis of derknessis.
22 Here thi fadir, that gendride thee; and dispise not thi modir, whanne sche is eld. 23 Bie thou treuthe, and nyle thou sille wisdom, and doctryn, and vndurstonding. 24 The fadir of a iust man ioieth ful out with ioie; he that gendride a wijs man, schal be glad in hym. 25 Thi fadir and thi modir haue ioye, and he that gendride thee, make ful out ioye.
1 The parablis of Salomon. A wijs sone makith glad the fadir; but a fonned sone is the sorewe of his modir.
20 Mi sone, kepe the comaundementis of thi fadir; and forsake not the lawe of thi modir.
17 Crowis of the stronde picke out thilke iye, that scorneth the fadir, and that dispisith the child beryng of his modir; and the briddis of an egle ete that iye.
11 A generacioun that cursith his fadir, and that blessith not his modir.
15 Whether a womman may foryete hir yonge child, that sche haue not merci on the sone of hir wombe? thouy sche foryetith, netheles Y schal not foryete thee.
43 And whereof is this thing to me, that the modir of my Lord come to me?
20 Thou knowist the comaundementis, Thou schalt not sle, Thou schalt not do letcherie, Thou schalt not do theft, Thou schalt not seie fals witnessyng, Worschipe thi fadir and thi modir.
15 A yerde and chastisyng schal yyue wisdom; but a child, which is left to his wille, schendith his modir.
3 Thi wijf as a plenteous vyne; in the sidis of thin hous. Thi sones as the newe sprenges of olyue trees; in the cumpas of thi bord.
2 Onoure thou thi fadir and thi modir, that is the firste maundement in biheest;