Bible verses about "monotheism" | Wycliffe

Genesis 1:26

26 Make we man to oure ymage and liknesse, and be he souereyn to the fischis of the see, and to the volatilis of heuene, and to vnresonable beestis of erthe, and to ech creature, and to ech `crepynge beest, which is moued in erthe.

Deuteronomy 4:39

39 Therfor wite thou to dai, and thenke in thin herte, that the Lord him silfe is God in heuene aboue, and in erthe bynethe, and noon other is.

Psalms 82:1-8

1 The title of the two and eiytetithe salm. The song of the salm of Asaph. 2 God, who schal be lijk thee? God, be thou not stille, nether be thou peesid. 3 For lo! thin enemyes sowneden; and thei that haten thee reisiden the heed. 4 Thei maden a wickid counsel on thi puple; and thei thouyten ayens thi seyntis. 5 Thei seiden, Come ye, and leese we hem fro the folk; and the name of Israel be no more hadde in mynde. 6 For thei thouyten with oon acord; 7 the tabernaclis of Ydumeys, and men of Ismael disposiden a testament togidere ayens thee. Moab, and Agarenus, Jebal, and Amon, and Amalech; 8 alienys with hem that dwellen in Tyre.

John 17:3

3 And this is euerlastynge lijf, that thei knowe thee very God aloone, and whom thou hast sent, Jhesu Crist.

1 Corinthians 8:6

6 netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym.

Ephesians 4:6

6 o feith, o baptym, o God and fadir of alle, which is aboue alle men, and bi alle thingis, and in vs alle.

Exodus 20:3

3 Thou schalt not haue alien goddis bifore me.

Mark 12:29

29 And Jhesus answeride to him, that the firste maundement of alle is, Here thou, Israel, thi Lord God is o God;

John 1:1

1 In the bigynnyng was the word, and the word was at God, and God was the word.

Isaiah 45:5

5 Y am the Lord, and ther is no more; with out me is no God. Y haue gird thee, and thou knewist not me.

Genesis 1:1

1 In the bigynnyng God made of nouyt heuene and erthe.

Deuteronomy 6:4

4 Thou Israel, here, thi Lord God is o God.

Isaiah 43:10

10 Verili ye ben my witnessis, seith the Lord, and my seruaunt, whom Y chees; that ye wite, and bileue to me, and vndurstonde, for Y mysilf am; bifore me is no God formere, and after me schal noon be.

Deuteronomy 4:35

35 that thou schuldist wite, that the Lord hym silf is God, and noon other is, outakun oon.

Isaiah 44:6

6 The Lord, kyng of Israel, and ayenbiere therof, the Lord of oostis seith these thingis, Y am the firste and Y am the laste, and with outen me is no God.

Topical data is from OpenBible.info, retrieved November 11, 2013, and licensed under a Creative Commons Attribution License.