Bible verses about "mexicans" | Wycliffe

⁶ But that ye wite that mannus sone hath power to foryyue synnes in erthe, thanne he seide to the sijk man in palesie, Rise vp; take thi bed, and go in to thin hous. ⁷ And he roos, and wente in to his hous. ⁸ And the puple seynge dredde, and glorifiede God, that yaf suche power to men.

¹⁵ Jhesus seide to hem, But whom seien ye me to be? ¹⁶ Symount Petre answeride, and seide, Thou art Crist, the sone of God lyuynge. ¹⁷ Jhesus answeride, and seide to him, Blessid art thou, Symount Bariona; for fleisch and blood schewide not to thee, but my fadir that is in heuenes. ¹⁸ And Y seie to thee, that thou art Petre, and on this stoon Y schal bilde my chirche, and the yatis of helle schulen not haue miyt ayens it. ¹⁹ And to thee Y shal yyue the keies of the kingdom of heuenes; and what euer thou shalt bynde on erthe, schal be boundun also in heuenes; and what euer thou schalt vnbynde on erthe, schal be vnbounden also in heuenes.

¹⁹ Therfor whanne it was eue in that dai, oon of the sabatis, and the yatis weren schit, where the disciplis weren gaderid, for drede of the Jewis, Jhesus cam, and stood in the myddil of the disciplis, and he seith to hem, Pees to you. ²⁰ And whanne he hadde seid this, he schewide to hem hondis and side; therfor the disciplis ioieden, for the Lord was seyn. ²¹ And he seith to hem eft, Pees to you; as the fadir sente me, Y sende you. ²² Whanne he had seid this, he blewe on hem, and seide, Take ye the Hooli Goost; ²³ whos synnes ye foryyuen, tho ben foryouun to hem; and whos ye withholden, tho ben withholdun.

³⁸ And Petre seide to hem, Do ye penaunce, and eche of you be baptisid in the name of Jhesu Crist, in to remissioun of youre synnes; and ye schulen take the yifte of the Hooli Goost. ³⁹ For the biheest is to you, and to youre sones, and to alle that ben fer, which euer oure Lord God hath clepid.

⁶ that schal yelde to ech man aftir his werkis; ⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf; ⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch, ⁹ in to ech soule of man that worchith yuel, to the Jew first, and to the Greke; ¹⁰ but glorie, and honour, and pees, to ech man that worchith good thing, to the Jew first, and to the Greke. ¹¹ For accepcioun of persones is not anentis God.

⁶ that schal yelde to ech man aftir his werkis; ⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf; ⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch, ⁹ in to ech soule of man that worchith yuel, to the Jew first, and to the Greke; ¹⁰ but glorie, and honour, and pees, to ech man that worchith good thing, to the Jew first, and to the Greke. ¹¹ For accepcioun of persones is not anentis God. ¹² For who euere han synned without the lawe, schulen perische withouten the lawe; and who euere han synned in the lawe, thei schulen be demyd bi the lawe. ¹³ For the hereris of lawe ben not iust anentis God, but the doeris of the lawe schulen be maad iust. ¹⁴ For whanne hethene men that han not lawe, don kyndli tho thingis that ben of the lawe, thei not hauynge suche manere lawe, ben lawe to hem silf, ¹⁵ that schewen the werk of the lawe writun in her hertis. For the conscience of hem yeldith to hem a witnessyng bytwixe hem silf of thouytis that ben accusynge or defendynge, ¹⁶ in the dai whanne God schal deme the priuy thingis of men aftir my gospel, bi Jhesu Crist.

¹² Therfor, my most dereworthe britheren, as euere more ye han obeischid, not in my presence onely, but myche more now in myn absence, worche ye with drede and trembling youre heelthe. ¹³ For it is God that worchith in you, bothe to wilne, and to performe, for good wille.

²⁰ But wolt thou wite, thou veyn man, that feith with out werkis is idul? ²¹ Whether Abraham, oure fadir, was not iustified of werkis, offringe Ysaac, his sone, on the auter? ²² Therfor thou seest, that feith wrouyte with hise werkis, and his feith was fillid of werkis. ²³ And the scripture was fillid, seiynge, Abraham bileuede to God, and it was arettid to hym to riytwisnesse, and he was clepid the freend of God. ²⁴ Ye seen that a man is iustified of werkis, and not of feith oneli. ²⁵ In lijk maner, and whether also Raab, the hoore, was not iustified of werkis, and resseyuede the messangeris, and sente hem out bi anothir weie? ²⁶ For as the bodi with out spirit is deed, so also feith with out werkis is deed.

¹⁰ But to hem that ben ioyned in matrymonye, Y comaunde, not Y, but the Lord, that the wijf departe not fro the hosebonde; ¹¹ and that if sche departith, that sche dwelle vnweddid, or be recounselid to hir hosebonde; and the hosebonde forsake not the wijf.

⁷ For Y wole, that alle men be as my silf. But eche man hath his propre yifte of God; oon thus, and another thus. ⁸ But Y seie to hem, that ben not weddid, and to widewis, it is good to hem, if thei dwellen so as Y.

³² But Y wole, that ye be without bisynesse, for he that is without wijf, is bisi what thingis ben of the Lord, hou he schal plese God. ³³ But he that is with a wijf, is bysy what thingis ben of the world, hou he schal plese the wijf, and he is departid. ³⁴ And a womman vnweddid and maidun thenkith what thingis ben of the Lord, that sche be hooli in bodi and spirit. But sche that is weddid, thenkith what thingis ben of the world, hou sche schal plese the hosebonde.

¹⁵ And oure Lord Jhesu Crist him silf, and God oure fadir, which louyde vs, and yaf euerlastinge coumfort and good hope in grace, stire youre hertis,

⁶ But, britheren, we denouncen to you in the name of oure Lord Jhesu Crist, that ye withdrawe you from ech brother that wandrith out of ordre, and not aftir the techyng, that thei resseyueden of vs.

¹ Be ye my foleweris, as Y am of Crist. ² And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.