Bible verses about "meditation" | Wycliffe

⁶ Sodeynli thei schulen schete hym, and thei schulen not drede; thei maden stidefast to hem silf a wickid word. Thei telden, that thei schulden hide snaris; thei seiden, Who schal se hem?

³ God schal come opynli; oure God, and he schal not be stille. Fier schal brenne an hiye in his siyt; and a strong tempest in his cumpas.

¹ Blessid is the man, that yede not in the councel of wickid men; and stood not in the weie of synneris, and sat not in the chaier of pestilence. ² But his wille is in the lawe of the Lord; and he schal bithenke in the lawe of hym dai and nyyt. ³ And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite. ⁴ Not so wickid men, not so; but thei ben as dust, which the wynd castith awei fro the face of erthe. ⁵ Therfor wickid men risen not ayen in doom; nethir synneres in the councel of iust men. ⁶ For the Lord knowith the weie of iust men; and the weie of wickid men schal perische.

²⁰ Mi sone, herkene thou my wordis; and bowe doun thin eeris to my spechis. ²¹ Go not tho awei fro thyn iyen; kepe thou hem in the myddil of thin herte. ²² For tho ben lijf to men fyndynge thoo, and heelthe `of al fleisch.

³ The elde errour is gon awei; thou schalt kepe pees, pees, for thou, Lord, we hopiden in thee.

⁶ But whanne thou schalt preye, entre in to thi couche, and whanne the dore is schet, preye thi fadir in hidils, and thi fadir that seeth in hidils, schal yelde to thee.

⁸ Fro hennus forth, britheren, what euere thingis ben sothe, what euere thingis chast, what euere thingis iust, what euere thingis hooli, what euere thingis able to be louyd, what euere thingis of good fame, if ony vertu, if ony preising of discipline, thenke ye these thingis,

³⁴ He seide, and a locuste cam; and a bruk of which was noon noumbre.

² But his wille is in the lawe of the Lord; and he schal bithenke in the lawe of hym dai and nyyt.

⁸ The book of this lawe departe not fro thi mouth, but thou schalt thenke therynne in daies and nyytis, that thou kepe and do alle thingis that ben writun therynne; thanne thou schalt dresse thi weie, and schalt vndirstonde it.