Bible verses about "lust" | Wycliffe

¹ I made couenaunt with myn iyen, that Y schulde not thenke of a virgyn.

²⁵ Thin herte coueite not the fairnesse of hir; nether be thou takun bi the signes of hir.

⁵ Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

³ For this is the wille of God, youre holynesse, that ye absteyne you fro fornycacioun. ⁴ That ech of you kunne welde his vessel in holynesse, and onour; ⁵ not in passioun of lust, as hethene men that knowen not God.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

¹¹ Moost dere, Y biseche you, as comelyngis and pilgrymys, to absteine you fro fleischli desiris, that fiyten ayens the soule;

¹⁶ And Y seie you in Crist, walke ye in spirit, and ye schulen not performe the desiris of the fleisch.

¹⁶ For al thing that is in the world, is coueitise of fleisch, and coueitise of iyen, and pride of lijf, which is not of the fadir, but it is of the world.

²² And fle thou desiris of yongthe, but sue thou riytwisnesse, feith, charite, pees, with hem that inwardli clepen the Lord of a clene herte.

²⁸ But Y seie to you, that euery man that seeth a womman for to coueite hir, hath now do letcherie bi hir in his herte.