Bible verses about "leprosy" | Wycliffe

¹ The Lord spak to Moyses and Aaron, and seide, ² A man in whos skyn and fleisch rysith dyuerse colour, ether whelke, ethir as `sum schynynge thing, that is, a wounde of lepre, he schal be brouyt to Aaron preest, ether to oon `who euer of hise sones; ³ and whanne he seeth lepre in the skyn, and the heeris chaungide in to whijte colour, and that spice of lepre lowere than the tother skyn and fleisch, it is a wounde of lepre, and he schal be departid at the `doom of the preest. <sup>4</sup> Sotheli if schynyng whijtnesse is in the skyn, nethir is lower than the tother fleisch, and the heeris ben of the formere colour, the preest schal close hym seuene daies; <sup>5</sup> and schal biholde hym in the seuenthe dai, and sotheli if the lepre wexith not ferther, nethir passith the formere termes in the fleisch, eft the preest schal close hym ayen seuene other daies; <sup>6</sup> and schal biholde in the seuenthe day, if the lepre is derkere, and wexith not in the fleisch, the preest schal clense hym, for it is a scabbe; and the man schal waische hise clothis, and he schal be clene. <sup>7</sup> That if the lepre wexith eft, aftir that he is seyn of the preest, and is yoldun to clennesse, he schal be brouyt to the preest, and schal be demed of vnclennesse. <sup>8</sup> If the wounde of lepre is in man, he schal be brouyt to the preest, and he schal se the man; <sup>9</sup> and whanne whijt colour is in the fleisch, and chaungith the siyt of heeris, and thilke fleisch apperith quyk, <sup>10</sup> it schal be demid eldest lepre, and growun to the skyn; therfor the preest schal defoule hym, <sup>11</sup> and he schal not close eft, for it is of opyn vnclennesse. <sup>12</sup> But if lepre rennynge about in the skyn `flourith out, and hilith al the fleisch, fro the heed til to the feet, what euer thing fallith vndur the siyt of iyen; the preest schal biholde hym, ¹³ and schal deme `that he is holdun with clenneste lepre, for all the skyn is turned in to whijtnesse, and therfor the man schal be cleene. <sup>14</sup> Sotheli whanne quyk fleisch apperith in hym, <sup>15</sup> thanne he schal be defoulid bi the doom of the preest, and he schal be arettid among vncleene men; for quyk fleisch is vnclene, if it is spreynt with lepre. <sup>16</sup> That if the fleisch is turned eft in to whijtnesse, and hilith al the man, <sup>17</sup> the preest schal biholde hym, and schal deme, that he is cleene. <sup>18</sup> Fleisch and skyn, in which a botche is bred, <sup>19</sup> and is heelid, and `a step of wounde apperith whijt, ethir `sum deel reed, `in the place of the botche, the man schal be brouyt to the preest; ²⁰ and whanne the preest seeth the place of lepre lowere than the tother fleisch, and the heeris turned in to whijtnesse, the preest schal defoule hym; for the wounde of lepre is bred in the botche. ²¹ That if the heer is of the former colour, and the signe of wounde is sumdeel derk, and is not lowere than the `nyy fleisch, the preest schal close the man seuene daies; <sup>22</sup> and sotheli, if it wexith, the preest schal deme the man of lepre; <sup>23</sup> forsothe if it stondith in his place, it is a signe of botche, and the man schal be cleene. <sup>24</sup> Fleisch and skyn, which the fier hath brent, and is heelid, and hath a whijt ethir reed `signe of wounde, ²⁵ the preest schal biholde it, and lo! if it is turned in to whijtnesse, and the place therof is lowere than the tothir skyn, the preest schal defoule the man, for a wounde of lepre is bred in the `signe of wounde. <sup>26</sup> That if the colour of heeris is not chaungid, nether the wounde is lowere than the tother fleisch, and thilke spice of lepre is sumdeel derk, the preest schal close the man bi seuene daies; <sup>27</sup> and in the seuenthe dai he schal biholde; if the lepre wexith in the fleisch, the preest schal defoule the man; <sup>28</sup> ellis if the whijtnesse stondith in his place, and is not cleer ynow, it is a wounde of brennyng, and therfor the man schal be clensid, for it is a signe of brennyng. <sup>29</sup> A man ethir womman, in whos heed ether beerd lepre buriounneth, the preest schal se hem; <sup>30</sup> and if the place is lowere than the tothir fleisch, and the heer is whijt, `and is sotilere, `ether smallere, than it is wont, the preest schal defoule hem, for it is lepre of the heed, and of the beerd. <sup>31</sup> Ellis if he seeth the place of wem euene with the nyy fleisch, and seeth the here blak, the preest schal close hem bi seuene daies, and schal se in the seuenthe dai; <sup>32</sup> if the wem waxith not, and the heer is of his colour, and the place of wounde is euene with the tother fleisch, <sup>33</sup> the man schal be schauun, without the place of wem, and he schal be closid eft bi seuene othere daies. <sup>34</sup> If in the seuenthe day the wounde is seyn to haue stonde in his place, nether is lowere than the tother fleisch, the preest schal clense the man; and whanne his clothis ben waischun, he schal be cleene. <sup>35</sup> Ellis if aftir the clensyng a spotte wexith eft in the skyn, <sup>36</sup> the preest schal no more enquere, whether the heer is chaungid in to whijt colour, for apeertli he is vncleene. <sup>37</sup> Sotheli if the spotte stondith, and the heeris ben blake, knowe the preest that the man is heelid, and tristili `pronounce he the man cleene. ³⁸ A man ethir a womman, in whos skyn whijtnesse apperith, the preest schal biholde hem; ³⁹ if he perseyueth, that whijtnesse `sum deel derk schyneth in the skyn, wite he, that it is no lepre, but a spotte of whijt colour, and that the man is cleene. <sup>40</sup> A man of whos heed heeris fleten awei, is calu, and clene; <sup>41</sup> and if heeris fallen fro the forheed, he is ballid, <sup>42</sup> and is cleene; ellis if in the ballidnesse bifore, ether in the ballidnesse bihynde, whijt ether reed colour is bred, and the preest seeth this, <sup>43</sup> he schal condempne the man without doute of lepre, which is bred in the ballidnesse. <sup>44</sup> Therfor whoeuer is defoulid with lepre, and is departid at the doom of the preest, <sup>45</sup> he schal haue hise clothis vnsewid, bareheed, the mouth hilid with a cloth, he schal crye hym silf defoulid, and viyl; <sup>46</sup> in al tyme in which he is lepre and vnclene, he schal dwelle aloone without the castels. <sup>47</sup> A wollun cloth, ethir lynnun, that hath lepre in the warp, <sup>48</sup> ethir oof, ethir certis a skyn, ether what euer thing is maad of skiyn, <sup>49</sup> if it is corrupt with a whijt spotte, ethir reed, it schal be arettid lepre, and it schal be schewid to the preest; <sup>50</sup> which schal close it biholden bi seuene daies. <sup>51</sup> And eft he schal biholde in the seuenthe dai, and if he perseyueth, that it wexide, it schal be contynuel lepre; he schal deme the cloth defoulid, and al thing in which it is foundun; <sup>52</sup> and therfor the cloth schal be brent in flawmes. <sup>53</sup> That if he seeth that the spotte wexide not, he schal comaunde, <sup>54</sup> and thei schulen waische that thing wherynne the lepre is, and he schal close it ayen bi seuene othere daies; <sup>55</sup> and whanne he seeth the formere face not turned ayen, netheles that nether the lepre wexede, he schal deme that thing vnclene, and he schal brenne it in fier, for lepre is sched in the ouer part of the cloth, ether thorouy al. <sup>56</sup> Ellis if the `place of lepre is derkere, aftir that the cloth is waischun, he schal breke awey that place, and schal departe fro the hool. ⁵⁷ That if fleynge lepre and vnstidefast apperith ferthermore in these places, that weren vnwemmed bifore, it owith be brent in fier; if it ceessith, ⁵⁸ he schal waische the secounde tyme tho thingis that ben cleene, and tho schulen be cleene. ⁵⁹ This is the lawe of lepre of cloth, wollun and lynnun, of warp and of oof, and of al purtenaunce of skiyn, hou it owith to be clensyd, ethir `to be defoulid.

¹ And the Lord spak to Moises, and seide, Comaunde thou to the sones of Israel, ² that thei caste out of the castels ech leprouse man, and that fletith out seed, and is defoulid on a deed bodi; caste ye out of the castels, ³ as wel a male as a female, lest thei defoulen tho, whanne thei dwellen with you.

² that thei caste out of the castels ech leprouse man, and that fletith out seed, and is defoulid on a deed bodi; caste ye out of the castels,

²⁷ but also the lepre of Naaman schal cleue to thee, and to thi seed withouten ende. And Giezi yede leprouse as snow, `fro hym.

³ And Jhesus helde forth the hoond, and touchide hym, and seide, Y wole, be thou maad cleene. And anoon the lepre of him was clensid. ⁴ And Jhesus seide to hym, Se, seie thou to no man; but go, shewe thee to the prestis, and offre the yift that Moyses comaundide, in witnessyng to hem.

¹³ And Jhesus held forth his hoond, and touchide hym, and seide, Y wole, be thou maad cleene. And anoon the lepre passide awei fro hym. ¹⁴ And Jhesus comaundide to hym, that he schulde seie to no man; But go, schewe thou thee to a preest, and offre for thi clensyng, as Moises bad, in to witnessyng to hem.

¹ And the Lord spak to Moises, and seide, This is the custom of a leprouse man, ² whanne he schal be clensid. He schal be brouyt to the preest, ³ which preest schal go out of the castels, and whanne he schal fynde that the lepre is clensid, ⁴ he schal comaunde to the man which is clensid, that he offre for hym silf twei quyke sparewis, whiche it is leueful to ete, and a `tree of cedre, and vermylyoun, and isope. <sup>5</sup> And the preest schal comaunde that oon of the sparewes be offrid in `a vessel of erthe, ⁶ on quyke watris; sotheli he schal dippe the tother sparewe quyk with the `tre of cedre, and with a reed threed and ysope, in the blood of the sparewe offrid, <sup>7</sup> with which he schal sprenge seuensithis hym that schal be clensid, that he be purgid riytfuli; and he schal delyuere the quyk sparewe, that it fle in to the feeld. <sup>8</sup> And whanne the man hath waische hise clothis, he schal schaue alle the heeris of the bodi, and he schal be waischun in watir, and he schal be clensid, and he schal entre in to the castels; so oneli that he dwelle without his tabernacle bi seuene daies; <sup>9</sup> and that in the seuenthe dai he schaue the heeris of the heed, and the beerd, and brewis, and the heeris of al the bodi. And whanne the clothis and bodi ben waischun, <sup>10</sup> eft in the eiyetithe dai he schal take twei lambren without wem, and a scheep of o yeer without wem, and thre dymes of wheete flour, in to sacrifice, which be spreynte with oile, and bi it silf a sextarie of oyle. <sup>11</sup> And whanne the preest, that purgith the man, hath set hym and alle hise thingis bifor the Lord, in the dore of the tabernacle of witnessyng, he schal take a lomb, <sup>12</sup> and schal offre it for trespas, and schal offre the sextarie of oyle; and whanne alle thingis ben offrid bifor the Lord, <sup>13</sup> he schal offre the lomb, where the sacrifice for synne and the brent sacrifice is wont to be offrid, that is, in the hooli place; for as for synne so and for trespas the offryng perteyneth to the preest; it is hooli of the noumbre of hooli thingis. <sup>14</sup> And the preest schal take of the blood of sacrifice which is offrid for trespas, and schal putte on the laste part of the riyt eere `of hym which is clensid, and on the thumbis of the riyt hond and foot. ¹⁵ And he schal putte of the sextarie of oyle in to his left hond, ¹⁶ and he schal dippe the riyt fyngur therynne, and schal sprynge seuensithis bifor the Lord. ¹⁷ Sotheli he schal schede that that is residue of the oile in the left hond, on the laste part of the riyt eere `of hym which is clensid, and on the thombis of the riyt hond and foot, and on the blood which is sched for trespas, <sup>18</sup> and on the heed `of hym. ¹⁹ And the preest schal preye for hym bifor the Lord, and schal make sacrifice for synne; thanne he schal offre brent sacrifice, ²⁰ and schal putte it in the auter with hise fletynge sacrifices, and the man schal be clensid riytfuli. ²¹ That if he is pore, and his hoond may not fynde tho thingis that ben seid, he schal take for trespas a lomb to offryng, that the preest preie for him, and the tenthe part of wheete flour spreynt togidire with oile in to sacrifice, and a sextarie of oile, ²² and twei turtlis, ethir twei `briddis of culueris, of whiche oon be for synne, and the tothir in to brent sacrifice; <sup>23</sup> and he schal offre tho in the eiytthe dai of his clensyng to the preest, at the dore of tabernacle of witnessyng bifor the Lord. <sup>24</sup> And the preest schal take the lomb for trespas, and the sextarie of oile, and schal reise togidere; <sup>25</sup> and whanne the lomb is offrid, he schal putte of the blood therof on the laste part of the riyt eere `of hym that is clensid, and on the thumbis of his riyt hond and foot. ²⁶ Sotheli the preest putte the part of oile in to his left hond, ²⁷ in which he schal dippe the fyngur of the riyt hond, and schal sprynge seuensithes ayens the Lord; ²⁸ and the preest schal touche the laste part of the riyt eere `of hym that is clensid, and the thombe of the riyt hond and foot, in the place of blood which is sched out for trespas. <sup>29</sup> Sotheli he schal putte the tother part of oile, which is in the left hond, on the `heed of the man clensid, that he plese the Lord for hym. ³⁰ And he schal offre a turtle, ethir a culuer brid, ³¹ oon for trespas, and the tothir in to brent sacrifice, with her fletynge offryngis. ³² This is the sacrifice of a leprouse man, that may not haue alle thingis in to the clensyng of hym silf. ³³ And the Lord spak to Moises and Aaron, and seide, ³⁴ Whanne ye han entrid in to the lond of Canaan, which lond Y schal yyue to you in to possessioun, if the wounde of lepre is in the housis, ³⁵ he schal go, whos the hous is, `and schal telle to the preest, and schal seie, It semeth to me, that as a wound of lepre is in myn hous. <sup>36</sup> And the preest schal comaunde, `that thei bere out of the hous alle thingis bifore that he entre in to it, `and me se where it be lepre, lest alle thingis that ben in the hows, be maad vnclene; and the preest schal entre aftirward, that he se the lepre of the hows. <sup>37</sup> And whanne he seeth in the wallis therof as litle valeis `foule bi palenesse, ethir bi reednesse, and lowere than the tother hiyere part, ³⁸ he schal go out at the dore of the hows, and anoon he schal close it bi seuene daies. ³⁹ And he schal turne ayen in the seuenthe day, and schal se it; if he fyndith that the lepre encreesside, ⁴⁰ he schal comaunde that the stoonys be cast out, in whyche the lepre is, and that tho stonys be cast out of the citee in an vncleene place. ⁴¹ Sotheli he schal comaunde that thilke hows be rasid with ynne bi cumpas, and that the dust of the rasyng be spreynt without the citee, in an vnclene place, ⁴² and that othere stoonys be put ayen for these, that ben takun awey, and that the hows be daubid with othir morter. ⁴³ But if aftir that the stoonus ben takun awey, and the dust is borun out, ⁴⁴ and othere erthe is daubid, the preest entrith, and seeth the lepre turned ayen, and the wallis spreynt with spottis, the lepre is stidfastly dwellynge, and the hows is vnclene; ⁴⁵ which hows thei schulen destrye anoon, and thei schulen caste out of the citee, in an vnclene place, the stoonys therof, and the trees, and al the dust. ⁴⁶ He that entrith in to the hous, whanne it is schit, schal be vnclene `til to euentid, <sup>47</sup> and he that slepith and etith ony thing therynne, schal waische hise clothis. <sup>48</sup> That if the preest entrith, and seeth that the lepre encreesside not in the hows, aftir that it was daubid the secounde tyme, he schal clense it; for heelthe is yoldun. <sup>49</sup> And in the clensyng therof he schal take twey sparewis, and `a tre of cedre, and `a reed threed, and isope. <sup>50</sup> And whanne o sparewe is offrid in a vessel of erthe, on quyk watris, <sup>51</sup> he schal take the `tre of cedre, and ysope, and reed threed, and the quyk sparewe, and he schal dippe alle thingis in the blood of the sparewe offrid, and in lyuynge watris; ⁵² and he schal sprynge the hows seuen sithis; and he schal clense it as wel in the blood of the sparewe as in lyuynge watris, and in the quyk sparewe, and in the `tre of cedre, and in ysope, and `reed threed. ⁵³ And whanne he hath left the sparewe to fle in to the feeld frely, he schal preye for the hows, and it schal be clensid riytfuli. ⁵⁴ This is the lawe of al lepre, ⁵⁵ and of smytyng, of lepre of clothis, and of housis, ⁵⁶ of syngne of wounde, and of litle whelkis brekynge out, of spotte schynynge, and in colours chaungid in to dyuerse spices, ⁵⁷ that it may be wist, what is cleene, ether uncleene.

³ Therfor foure leprouse men weren bisidis the entryng of the yate, whiche seiden togidere, What wolen we be here, til we dien?

⁸ heele ye sike men, reise ye deede men, clense ye mesels, caste ye out deuelis; freeli ye han takun, freli yyue ye.

¹⁴ And as he say hem, he seide, Go ye, `schewe ye you to the prestis. And it was don, the while thei wenten, thei weren clensid.

⁴⁶ in al tyme in which he is lepre and vnclene, he schal dwelle aloone without the castels.

⁴⁵ he schal haue hise clothis vnsewid, bareheed, the mouth hilid with a cloth, he schal crye hym silf defoulid, and viyl; ⁴⁶ in al tyme in which he is lepre and vnclene, he schal dwelle aloone without the castels.

¹ The Lord spak to Moyses and Aaron, and seide, ² A man in whos skyn and fleisch rysith dyuerse colour, ether whelke, ethir as `sum schynynge thing, that is, a wounde of lepre, he schal be brouyt to Aaron preest, ether to oon `who euer of hise sones; ³ and whanne he seeth lepre in the skyn, and the heeris chaungide in to whijte colour, and that spice of lepre lowere than the tother skyn and fleisch, it is a wounde of lepre, and he schal be departid at the `doom of the preest. <sup>4</sup> Sotheli if schynyng whijtnesse is in the skyn, nethir is lower than the tother fleisch, and the heeris ben of the formere colour, the preest schal close hym seuene daies; <sup>5</sup> and schal biholde hym in the seuenthe dai, and sotheli if the lepre wexith not ferther, nethir passith the formere termes in the fleisch, eft the preest schal close hym ayen seuene other daies; <sup>6</sup> and schal biholde in the seuenthe day, if the lepre is derkere, and wexith not in the fleisch, the preest schal clense hym, for it is a scabbe; and the man schal waische hise clothis, and he schal be clene. <sup>7</sup> That if the lepre wexith eft, aftir that he is seyn of the preest, and is yoldun to clennesse, he schal be brouyt to the preest, and schal be demed of vnclennesse. <sup>8</sup> If the wounde of lepre is in man, he schal be brouyt to the preest, and he schal se the man; <sup>9</sup> and whanne whijt colour is in the fleisch, and chaungith the siyt of heeris, and thilke fleisch apperith quyk, <sup>10</sup> it schal be demid eldest lepre, and growun to the skyn; therfor the preest schal defoule hym, <sup>11</sup> and he schal not close eft, for it is of opyn vnclennesse. <sup>12</sup> But if lepre rennynge about in the skyn `flourith out, and hilith al the fleisch, fro the heed til to the feet, what euer thing fallith vndur the siyt of iyen; the preest schal biholde hym, ¹³ and schal deme `that he is holdun with clenneste lepre, for all the skyn is turned in to whijtnesse, and therfor the man schal be cleene. <sup>14</sup> Sotheli whanne quyk fleisch apperith in hym, <sup>15</sup> thanne he schal be defoulid bi the doom of the preest, and he schal be arettid among vncleene men; for quyk fleisch is vnclene, if it is spreynt with lepre. <sup>16</sup> That if the fleisch is turned eft in to whijtnesse, and hilith al the man, <sup>17</sup> the preest schal biholde hym, and schal deme, that he is cleene. <sup>18</sup> Fleisch and skyn, in which a botche is bred, <sup>19</sup> and is heelid, and `a step of wounde apperith whijt, ethir `sum deel reed, `in the place of the botche, the man schal be brouyt to the preest; ²⁰ and whanne the preest seeth the place of lepre lowere than the tother fleisch, and the heeris turned in to whijtnesse, the preest schal defoule hym; for the wounde of lepre is bred in the botche. ²¹ That if the heer is of the former colour, and the signe of wounde is sumdeel derk, and is not lowere than the `nyy fleisch, the preest schal close the man seuene daies; <sup>22</sup> and sotheli, if it wexith, the preest schal deme the man of lepre; <sup>23</sup> forsothe if it stondith in his place, it is a signe of botche, and the man schal be cleene. <sup>24</sup> Fleisch and skyn, which the fier hath brent, and is heelid, and hath a whijt ethir reed `signe of wounde, ²⁵ the preest schal biholde it, and lo! if it is turned in to whijtnesse, and the place therof is lowere than the tothir skyn, the preest schal defoule the man, for a wounde of lepre is bred in the `signe of wounde. <sup>26</sup> That if the colour of heeris is not chaungid, nether the wounde is lowere than the tother fleisch, and thilke spice of lepre is sumdeel derk, the preest schal close the man bi seuene daies; <sup>27</sup> and in the seuenthe dai he schal biholde; if the lepre wexith in the fleisch, the preest schal defoule the man; <sup>28</sup> ellis if the whijtnesse stondith in his place, and is not cleer ynow, it is a wounde of brennyng, and therfor the man schal be clensid, for it is a signe of brennyng. <sup>29</sup> A man ethir womman, in whos heed ether beerd lepre buriounneth, the preest schal se hem; <sup>30</sup> and if the place is lowere than the tothir fleisch, and the heer is whijt, `and is sotilere, `ether smallere, than it is wont, the preest schal defoule hem, for it is lepre of the heed, and of the beerd. <sup>31</sup> Ellis if he seeth the place of wem euene with the nyy fleisch, and seeth the here blak, the preest schal close hem bi seuene daies, and schal se in the seuenthe dai; <sup>32</sup> if the wem waxith not, and the heer is of his colour, and the place of wounde is euene with the tother fleisch, <sup>33</sup> the man schal be schauun, without the place of wem, and he schal be closid eft bi seuene othere daies. <sup>34</sup> If in the seuenthe day the wounde is seyn to haue stonde in his place, nether is lowere than the tother fleisch, the preest schal clense the man; and whanne his clothis ben waischun, he schal be cleene. <sup>35</sup> Ellis if aftir the clensyng a spotte wexith eft in the skyn, <sup>36</sup> the preest schal no more enquere, whether the heer is chaungid in to whijt colour, for apeertli he is vncleene. <sup>37</sup> Sotheli if the spotte stondith, and the heeris ben blake, knowe the preest that the man is heelid, and tristili `pronounce he the man cleene. ³⁸ A man ethir a womman, in whos skyn whijtnesse apperith, the preest schal biholde hem; ³⁹ if he perseyueth, that whijtnesse `sum deel derk schyneth in the skyn, wite he, that it is no lepre, but a spotte of whijt colour, and that the man is cleene. <sup>40</sup> A man of whos heed heeris fleten awei, is calu, and clene; <sup>41</sup> and if heeris fallen fro the forheed, he is ballid, <sup>42</sup> and is cleene; ellis if in the ballidnesse bifore, ether in the ballidnesse bihynde, whijt ether reed colour is bred, and the preest seeth this, <sup>43</sup> he schal condempne the man without doute of lepre, which is bred in the ballidnesse. <sup>44</sup> Therfor whoeuer is defoulid with lepre, and is departid at the doom of the preest, <sup>45</sup> he schal haue hise clothis vnsewid, bareheed, the mouth hilid with a cloth, he schal crye hym silf defoulid, and viyl; <sup>46</sup> in al tyme in which he is lepre and vnclene, he schal dwelle aloone without the castels. <sup>47</sup> A wollun cloth, ethir lynnun, that hath lepre in the warp, <sup>48</sup> ethir oof, ethir certis a skyn, ether what euer thing is maad of skiyn, <sup>49</sup> if it is corrupt with a whijt spotte, ethir reed, it schal be arettid lepre, and it schal be schewid to the preest; <sup>50</sup> which schal close it biholden bi seuene daies. <sup>51</sup> And eft he schal biholde in the seuenthe dai, and if he perseyueth, that it wexide, it schal be contynuel lepre; he schal deme the cloth defoulid, and al thing in which it is foundun; <sup>52</sup> and therfor the cloth schal be brent in flawmes. <sup>53</sup> That if he seeth that the spotte wexide not, he schal comaunde, <sup>54</sup> and thei schulen waische that thing wherynne the lepre is, and he schal close it ayen bi seuene othere daies; <sup>55</sup> and whanne he seeth the formere face not turned ayen, netheles that nether the lepre wexede, he schal deme that thing vnclene, and he schal brenne it in fier, for lepre is sched in the ouer part of the cloth, ether thorouy al. <sup>56</sup> Ellis if the `place of lepre is derkere, aftir that the cloth is waischun, he schal breke awey that place, and schal departe fro the hool. ⁵⁷ That if fleynge lepre and vnstidefast apperith ferthermore in these places, that weren vnwemmed bifore, it owith be brent in fier; if it ceessith, ⁵⁸ he schal waische the secounde tyme tho thingis that ben cleene, and tho schulen be cleene. ⁵⁹ This is the lawe of lepre of cloth, wollun and lynnun, of warp and of oof, and of al purtenaunce of skiyn, hou it owith to be clensyd, ethir `to be defoulid.

¹ And the Lord spak to Moises, and seide, This is the custom of a leprouse man, ² whanne he schal be clensid. He schal be brouyt to the preest, ³ which preest schal go out of the castels, and whanne he schal fynde that the lepre is clensid, ⁴ he schal comaunde to the man which is clensid, that he offre for hym silf twei quyke sparewis, whiche it is leueful to ete, and a `tree of cedre, and vermylyoun, and isope. <sup>5</sup> And the preest schal comaunde that oon of the sparewes be offrid in `a vessel of erthe, ⁶ on quyke watris; sotheli he schal dippe the tother sparewe quyk with the `tre of cedre, and with a reed threed and ysope, in the blood of the sparewe offrid, <sup>7</sup> with which he schal sprenge seuensithis hym that schal be clensid, that he be purgid riytfuli; and he schal delyuere the quyk sparewe, that it fle in to the feeld. <sup>8</sup> And whanne the man hath waische hise clothis, he schal schaue alle the heeris of the bodi, and he schal be waischun in watir, and he schal be clensid, and he schal entre in to the castels; so oneli that he dwelle without his tabernacle bi seuene daies; <sup>9</sup> and that in the seuenthe dai he schaue the heeris of the heed, and the beerd, and brewis, and the heeris of al the bodi. And whanne the clothis and bodi ben waischun, <sup>10</sup> eft in the eiyetithe dai he schal take twei lambren without wem, and a scheep of o yeer without wem, and thre dymes of wheete flour, in to sacrifice, which be spreynte with oile, and bi it silf a sextarie of oyle. <sup>11</sup> And whanne the preest, that purgith the man, hath set hym and alle hise thingis bifor the Lord, in the dore of the tabernacle of witnessyng, he schal take a lomb, <sup>12</sup> and schal offre it for trespas, and schal offre the sextarie of oyle; and whanne alle thingis ben offrid bifor the Lord, <sup>13</sup> he schal offre the lomb, where the sacrifice for synne and the brent sacrifice is wont to be offrid, that is, in the hooli place; for as for synne so and for trespas the offryng perteyneth to the preest; it is hooli of the noumbre of hooli thingis. <sup>14</sup> And the preest schal take of the blood of sacrifice which is offrid for trespas, and schal putte on the laste part of the riyt eere `of hym which is clensid, and on the thumbis of the riyt hond and foot. ¹⁵ And he schal putte of the sextarie of oyle in to his left hond, ¹⁶ and he schal dippe the riyt fyngur therynne, and schal sprynge seuensithis bifor the Lord. ¹⁷ Sotheli he schal schede that that is residue of the oile in the left hond, on the laste part of the riyt eere `of hym which is clensid, and on the thombis of the riyt hond and foot, and on the blood which is sched for trespas, <sup>18</sup> and on the heed `of hym. ¹⁹ And the preest schal preye for hym bifor the Lord, and schal make sacrifice for synne; thanne he schal offre brent sacrifice, ²⁰ and schal putte it in the auter with hise fletynge sacrifices, and the man schal be clensid riytfuli. ²¹ That if he is pore, and his hoond may not fynde tho thingis that ben seid, he schal take for trespas a lomb to offryng, that the preest preie for him, and the tenthe part of wheete flour spreynt togidire with oile in to sacrifice, and a sextarie of oile, ²² and twei turtlis, ethir twei `briddis of culueris, of whiche oon be for synne, and the tothir in to brent sacrifice; <sup>23</sup> and he schal offre tho in the eiytthe dai of his clensyng to the preest, at the dore of tabernacle of witnessyng bifor the Lord. <sup>24</sup> And the preest schal take the lomb for trespas, and the sextarie of oile, and schal reise togidere; <sup>25</sup> and whanne the lomb is offrid, he schal putte of the blood therof on the laste part of the riyt eere `of hym that is clensid, and on the thumbis of his riyt hond and foot. ²⁶ Sotheli the preest putte the part of oile in to his left hond, ²⁷ in which he schal dippe the fyngur of the riyt hond, and schal sprynge seuensithes ayens the Lord; ²⁸ and the preest schal touche the laste part of the riyt eere `of hym that is clensid, and the thombe of the riyt hond and foot, in the place of blood which is sched out for trespas. <sup>29</sup> Sotheli he schal putte the tother part of oile, which is in the left hond, on the `heed of the man clensid, that he plese the Lord for hym. ³⁰ And he schal offre a turtle, ethir a culuer brid, ³¹ oon for trespas, and the tothir in to brent sacrifice, with her fletynge offryngis. ³² This is the sacrifice of a leprouse man, that may not haue alle thingis in to the clensyng of hym silf. ³³ And the Lord spak to Moises and Aaron, and seide, ³⁴ Whanne ye han entrid in to the lond of Canaan, which lond Y schal yyue to you in to possessioun, if the wounde of lepre is in the housis, ³⁵ he schal go, whos the hous is, `and schal telle to the preest, and schal seie, It semeth to me, that as a wound of lepre is in myn hous. <sup>36</sup> And the preest schal comaunde, `that thei bere out of the hous alle thingis bifore that he entre in to it, `and me se where it be lepre, lest alle thingis that ben in the hows, be maad vnclene; and the preest schal entre aftirward, that he se the lepre of the hows. <sup>37</sup> And whanne he seeth in the wallis therof as litle valeis `foule bi palenesse, ethir bi reednesse, and lowere than the tother hiyere part, ³⁸ he schal go out at the dore of the hows, and anoon he schal close it bi seuene daies. ³⁹ And he schal turne ayen in the seuenthe day, and schal se it; if he fyndith that the lepre encreesside, ⁴⁰ he schal comaunde that the stoonys be cast out, in whyche the lepre is, and that tho stonys be cast out of the citee in an vncleene place. ⁴¹ Sotheli he schal comaunde that thilke hows be rasid with ynne bi cumpas, and that the dust of the rasyng be spreynt without the citee, in an vnclene place, ⁴² and that othere stoonys be put ayen for these, that ben takun awey, and that the hows be daubid with othir morter. ⁴³ But if aftir that the stoonus ben takun awey, and the dust is borun out, ⁴⁴ and othere erthe is daubid, the preest entrith, and seeth the lepre turned ayen, and the wallis spreynt with spottis, the lepre is stidfastly dwellynge, and the hows is vnclene; ⁴⁵ which hows thei schulen destrye anoon, and thei schulen caste out of the citee, in an vnclene place, the stoonys therof, and the trees, and al the dust. ⁴⁶ He that entrith in to the hous, whanne it is schit, schal be vnclene `til to euentid, <sup>47</sup> and he that slepith and etith ony thing therynne, schal waische hise clothis. <sup>48</sup> That if the preest entrith, and seeth that the lepre encreesside not in the hows, aftir that it was daubid the secounde tyme, he schal clense it; for heelthe is yoldun. <sup>49</sup> And in the clensyng therof he schal take twey sparewis, and `a tre of cedre, and `a reed threed, and isope. <sup>50</sup> And whanne o sparewe is offrid in a vessel of erthe, on quyk watris, <sup>51</sup> he schal take the `tre of cedre, and ysope, and reed threed, and the quyk sparewe, and he schal dippe alle thingis in the blood of the sparewe offrid, and in lyuynge watris; ⁵² and he schal sprynge the hows seuen sithis; and he schal clense it as wel in the blood of the sparewe as in lyuynge watris, and in the quyk sparewe, and in the `tre of cedre, and in ysope, and `reed threed. ⁵³ And whanne he hath left the sparewe to fle in to the feeld frely, he schal preye for the hows, and it schal be clensid riytfuli. ⁵⁴ This is the lawe of al lepre, ⁵⁵ and of smytyng, of lepre of clothis, and of housis, ⁵⁶ of syngne of wounde, and of litle whelkis brekynge out, of spotte schynynge, and in colours chaungid in to dyuerse spices, ⁵⁷ that it may be wist, what is cleene, ether uncleene.

¹² And whanne he entride in to a castel, ten leprouse men camen ayens hym, whiche stoden afer, ¹³ and reiseden her voys, and seiden, Jhesu, comaundoure, haue merci on vs. ¹⁴ And as he say hem, he seide, Go ye, `schewe ye you to the prestis. And it was don, the while thei wenten, thei weren clensid.

⁴⁰ And a leprouse man cam to hym, and bisouyte, `and knelide, and seide, If thou wolt, thou maist clense me. ⁴¹ And Jhesus hadde mercy on hym, and streiyte out his hoond, and towchyde hym, and seide to hym, I wole, be thou maad cleene. ⁴² And whanne he hadde seide this, anoon the lepre partyde awey fro hym, and he was clensyd.