Bible verses about "kindness" | Wycliffe

¹⁷ He that hath mercy on a pore man, leeneth to the Lord; and he schal yelde his while to hym.

¹⁰ Therfor while we han tyme, worche we good to alle men; but most to hem that ben homliche of the feith.

⁹ not yeldinge yuel for yuel, nether cursing for cursing, but ayenward blessinge; for in this thing ye ben clepid, that ye welde blessinge bi eritage.

¹⁸ Mi litle sones, loue we not in word, nethir in tunge, but in werk and treuthe.

²⁶ Sche openyde hir mouth to wisdom; and the lawe of merci is in hir tunge.

⁴ Charite is pacient, it is benygne; charite enuyeth not, it doith not wickidli, it is not blowun, ⁵ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ⁶ it ioyeth not on wickidnesse, but it ioieth togidere to treuthe; ⁷ it suffrith alle thingis, it bileueth alle thingis, it hopith alle thingis, it susteyneth alle thingis.

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

¹⁷ A merciful man doith wel to his soule; but he that is cruel, castith awei, yhe, kynnesmen.

³⁵ Netheles loue ye youre enemyes, and do ye wel, and leene ye, hopinge no thing therof, and youre mede schal be myche, and ye schulen be the sones of the Heyest, for he is benygne on vnkynde men and yuele men.

³² and be ye togidere benygne, merciful, foryyuynge togidere, as also God foryaf to you in Crist.