Bible verses about "immorality" | Wycliffe

²⁴ Wherfor a man schal forsake fadir and modir, and schal cleue to his wijf, and thei schulen be tweyne in o fleisch.

¹ Mi sone, kepe thou my wordis; and kepe myn heestis to thee. Sone, onoure thou the Lord, and thou schalt be `myyti; but outakun hym drede thou not an alien. <sup>2</sup> Kepe thou myn heestis, and thou schalt lyue; and my lawe as the appil of thin iyen. <sup>3</sup> Bynde thou it in thi fyngris; write thou it in the tablis of thin herte. <sup>4</sup> Seie thou to wisdom, Thou art my sistir; and clepe thou prudence thi frendesse. <sup>5</sup> That it kepe thee fro a straunge womman; and fro an alien womman, that makith hir wordis swete. <sup>6</sup> For whi fro the wyndow of myn hous bi the latijs Y bihelde; and Y se litle children. <sup>7</sup> I biholde a yong man coward, <sup>8</sup> that passith bi the stretis, bisidis the corner; and he <sup>9</sup> goith niy the weie of hir hous in derk tyme, whanne the dai drawith to niyt, in the derknessis and myst of the nyyt. <sup>10</sup> And lo! a womman, maad redi with ournement of an hoore to disseyue soulis, meetith hym, and sche is a ianglere, and goynge about, <sup>11</sup> and vnpacient of reste, and mai not stonde in the hous with hir feet; <sup>12</sup> and now without forth, now in stretis, now bisidis corneris sche `aspieth. ¹³ And sche takith, and kissith the yong man; and flaterith with wowynge cheer, and seith, Y ouyte sacrifices for heelthe; ¹⁴ to dai Y haue yolde my vowis. ¹⁵ Therfor Y yede out in to thi meetyng, and Y desiride to se thee; and Y haue founde thee. ¹⁶ Y haue maad my bed with coordis, Y haue arayed with tapetis peyntid of Egipt; ¹⁷ Y haue bispreynt my bed with myrre, and aloes, and canel. ¹⁸ Come thou, be we fillid with tetis, and vse we collyngis that ben coueitid; til the dai bigynne to be cleer. ¹⁹ For myn hosebonde is not in his hows; he is goon a ful long weie. ²⁰ He took with hym a bagge of money; he schal turne ayen in to his hous in the dai of ful moone. ²¹ Sche boonde hym with many wordis; and sche drow forth hym with flateryngis of lippis. ²² Anoon he as an oxe led to slayn sacrifice sueth hir, and as a ioli lomb and vnkunnynge; and the fool woot not, that he is drawun to bondys, ²³ til an arowe perse his mawe. As if a brid hastith to the snare; and woot not, that it is don of the perel of his lijf. ²⁴ Now therfor, my sone, here thou me; and perseyue the wordis of my mouth. ²⁵ Lest thi soule be drawun awei in the weies of hir; nether be thou disseyued in the pathis of hir. ²⁶ For sche castide doun many woundid men; and alle strongeste men weren slayn of hir. ²⁷ The weies of helle is hir hous; and persen in to ynnere thingis of deeth.

²⁷ Ye han herd that it was seid to elde men, Thou schalt `do no letcherie. ²⁸ But Y seie to you, that euery man that seeth a womman for to coueite hir, hath now do letcherie bi hir in his herte.

³ For this is the wille of God, youre holynesse, that ye absteyne you fro fornycacioun. ⁴ That ech of you kunne welde his vessel in holynesse, and onour; ⁵ not in passioun of lust, as hethene men that knowen not God.

² But for fornycacioun eche man haue his owne wijf, and ech womman haue hir owne hosebonde.

²¹ and lest eftsoone whanne Y come, God make me low anentis you, and Y biweile many of hem, that bifor synneden, and diden not penaunce on the vnclennesse, and fornicacioun, and vnchastite, that thei han don.

³² But Y seie to you, that euery man that leeueth his wijf, outtakun cause of fornycacioun, makith hir to do letcherie, and he that weddith the forsakun wijf, doith auowtrye.

⁵ Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

¹³ Mete to the wombe, and the wombe to metis; and God schal distruye bothe this and that. And the bodi not to fornycacioun, but to the Lord, and the Lord to the bodi.

¹³ Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

³ And fornycacioun, and al vnclennesse, or aueryce, be not named among you, as it bicometh holi men;

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.

²⁸ But Y seie to you, that euery man that seeth a womman for to coueite hir, hath now do letcherie bi hir in his herte.

²⁰ But he seide, The thingis that gon out of a man, tho defoulen a man. ²¹ For fro with ynne, of the herte of men comen forth yuel thouytis, auowtries, ²² fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli. ²³ Alle these yuels comen forth fro with ynne, and defoulen a man.

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

⁴ `Wedding is in alle thingis onourable, and bed vnwemmed; for God schal deme fornicatouris and auouteris.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.