Bible verses about "government" | Wycliffe

¹⁸ Thou schalt ordeyne `iugis, and maystris, in alle thi yatis whiche thi Lord God schal yyue to thee, bi ech of thi lynagis, that thei deme the puple bi iust doom, <sup>19</sup> and bowe not in `to the tother part for fauour, ethir yifte `ayens equete. Thou schalt not take persoone nether yiftis, for whi yiftis blynden the iyen of wise men, `and chaungen the wordis of iust men. ²⁰ Thou schalt pursue iustli that that is iust, that thou lyue and welde the lond which thi Lord God schal yyue to thee.

⁴⁴ Forsothe in the daies of tho rewmes, God of heuene shal reise a rewme, that schal not be distried with outen ende, and his rewme schal not be youun to another puple; it schal make lesse, and schal waste alle these rewmes, and it schal stonde with outen ende,

²⁵ And he seide to hem, Yelde ye therfor to the emperoure tho thingis that ben the emperours, and tho thingis that ben of God, to God.

⁷ Therfor yelde ye to alle men dettis, to whom tribut, tribut, to whom tol, tol, to whom drede, drede, to whom onour, onour.

⁵ that is a feithful witnesse, the firste bigetun of deed men, and prince of kingis of the erthe; which louyde vs, and waischide vs fro oure synnes in his blood, ⁶ and made vs a kyngdom, and preestis to God and to his fader; to hym be glorie and empire in to worldis of worldis.

¹⁵ whom the blessid and aloone miyti king of kyngis and Lord of lordis schal schewe in his tymes. ¹⁶ Which aloone hath vndeedlynesse, and dwellith in liyt, to which no man may come; whom no man say, nether may se; to whom glorie, and honour, and empire be with out ende.

²⁰ The name of the Lord be blessid fro the world, and til in to the world, for wisdom and strengthe ben hise; ²¹ and he chaungith tymes and ages, he translatith rewmes and ordeyneth; he yyueth wisdom to wise men, and kunnyng to hem that vndurstonden techyng, ether chastisyng;

¹ Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men, ² for kingis and alle that ben set in hiynesse, that we leden a quyet and a pesible lijf, in al pite and chastite. ³ For this thing is good and acceptid bifor God,

¹ Amoneste hem to be sugetis to prynces, and to poweris; to obeische to that that is seid, and to be redi to al good werk;

¹³ Be ye suget to ech creature, for God; ethir to the kyng, as to hym that is hiyer in state, ¹⁴ ethir to duykis, as to thilke that ben sent of hym to the veniaunce of mysdoers, and to the preisyng of good men. ¹⁵ For so is the wille of God, that ye do wel, and make the vnkunnyngnesse of vnprudent men to be doumb. ¹⁶ As fre men, and not as hauynge fredom the keuering of malice, but as the seruauntis of God. ¹⁷ Onoure ye alle men, loue ye brithirhod, drede ye God, onoure ye the king.

²⁹ And Petre answeride, and the apostlis, and seiden, It bihoueth to obeie to God, more than to men.

¹ Euery soule be suget to heiyere powers. For ther is no power but of God, and tho thingis that ben of God, ben ordeyned. ² Therfor he that ayenstondith power, ayenstondith the ordynaunce of God; and thei that ayenstonden, geten to hem silf dampnacioun. ³ For princes ben not to the drede of good work, but of yuel. But wilt thou, that thou drede not power? Do thou good thing, and thou schalt haue preisyng of it; ⁴ for he is the mynystre of God to thee in to good. But if thou doist yuel, drede thou; for not with outen cause he berith the swerd, for he is the mynystre of God, vengere in to wraththe to hym that doith yuel. ⁵ And therfor bi nede be ye suget, not oneli for wraththe, but also for conscience. ⁶ For therfor ye yyuen tributis, thei ben the mynystris of God, and seruen for this same thing. ⁷ Therfor yelde ye to alle men dettis, to whom tribut, tribut, to whom tol, tol, to whom drede, drede, to whom onour, onour.

¹ Euery soule be suget to heiyere powers. For ther is no power but of God, and tho thingis that ben of God, ben ordeyned.