Bible verses about "friendship" | Wycliffe

Proverbs 22:24-27

24 Nyle thou be freend to a wrathful man, nether go thou with a wood man; 25 lest perauenture thou lerne hise weies, and take sclaundir to thi soule. 26 Nyle thou be with hem that oblischen her hondis, and that proferen hem silf borewis for dettis; for if he hath not wherof he schal restore, 27 what of cause is, that thou take awei hilyng fro thi bed?

Proverbs 17:9

9 He that helith trespas, sekith frenschipis; he that rehersith bi an hiy word, departith hem, that ben knyt togidere in pees.

John 15:12-14

12 This is my comaundement, that ye loue togidere, as Y louede you. 13 No man hath more loue than this, that a man putte his lijf for hise freendis. 14 Ye ben my freendis if ye doen tho thingis, that Y comaunde to you.

Romans 1:12

12 that ye be confermyd, that is, to be coumfortid togidere in you, bi feith that is bothe youre and myn togidere.

1 Peter 4:8-10

8 bifore alle thingis haue ye charite ech to other in you silf algatis lastynge; for charite couerith the multitude of synnes. 9 Holde ye hospitalite togidere with out grutching; 10 ech man as he hath resseyued grace, mynystringe it in to ech othere, as good dispenderis of the manyfold grace of God.

Hebrews 10:24-25

24 And biholde we togidere in the stiring of charite and of good werkis; not forsakinge oure gadering togidere, 25 as it is of custom to sum men, but coumfortinge, and bi so myche the more, bi hou myche ye seen the dai neiyynge.

Job 6:14

14 He that takith awei merci fro his frend, forsakith the drede of the Lord.

Proverbs 27:9

9 The herte delitith in oynement, and dyuerse odours; and a soule is maad swete bi the good counsels of a frend.

Proverbs 27:6

6 Betere ben the woundis of hym that loueth, than the gileful cossis of hym that hatith.

1 Corinthians 15:33

33 Nyle ye be disseyued; for yuel spechis distrien good thewis.

Proverbs 27:17

17 Yrun is whettid bi irun; and a man whettith the face of his frend.

Proverbs 17:17

17 He that is a frend, loueth in al tyme; and a brother is preuyd in angwischis.

1 Thessalonians 5:11

11 For which thing comforte ye togidere, and edefie ye ech other, as ye doon.

John 15:13

13 No man hath more loue than this, that a man putte his lijf for hise freendis.

Ecclesiastes 4:9-12

9 Therfor it is betere, that tweyne be togidere than oon; for thei han profite of her felouschipe. 10 If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him. 11 And if tweyne slepen, thei schulen be nurschid togidere; hou schal oon be maad hoot? 12 And if ony man hath maistri ayens oon, tweyne ayen stonden hym; a threfolde corde is brokun of hard.

Proverbs 18:24

24 A man freendli to felouschipe schal more be a frend, than a brothir.

Topical data is from, retrieved November 11, 2013, and licensed under a Creative Commons Attribution License.