Bible verses about "criticize" | Wycliffe

Proverbs 26:12

12 Thou hast seyn a man seme wijs to hym silf; an vnkunnyng man schal haue hope more than he.

Proverbs 19:11

11 The teching of a man is knowun bi pacience; and his glorie is to passe ouere wickid thingis.

Romans 15:1-2

1 But we saddere men owen to susteyne the feblenesses of sijke men, and not plese to vs silf. 2 Eche of vs plese to his neiybore in good, to edificacioun.

Colossians 3:12-14

12 Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience; 13 and support ye echon other, and foryyue to you silf, if ony man ayens ony hath a querele; as the Lord foryaf to you, so also ye. 14 And vpon alle these thingis haue ye charite, that is the boond of perfeccioun.

Romans 14:10-12

10 But what demest thou thi brothir? or whi dispisist thou thi brothir? for alle we schulen stonde bifore the trone of Crist. 11 For it is writun, Y lyue, seith the Lord, for to me ech kne schal be bowid, and ech tunge schal knouleche to God. 12 Therfor ech of vs schal yelde resoun to God for hym silf.

Ephesians 4:32

32 and be ye togidere benygne, merciful, foryyuynge togidere, as also God foryaf to you in Crist.

Acts 20:35

35 Alle these thingis Y schewide to you, for so it bihoueth men trauelinge to resseyue sike men, and to haue mynde of the `word of the Lord Jhesu; for he seide, It is more blesful to yyue, than to resseyue.

Ephesians 4:31-32

31 Al bitternesse, and wraththe, and indignacioun, and cry, and blasfemye be takun awey fro you, with al malice; 32 and be ye togidere benygne, merciful, foryyuynge togidere, as also God foryaf to you in Crist.

Romans 2:1-4

1 Wherfor thou art vnexcusable, ech man that demest, for in what thing thou demest anothir man, thou condempnest thi silf; for thou doist the same thingis whiche thou demest. 2 And we witen, that the doom of God is aftir treuthe ayens hem, that don siche thingis. 3 But gessist thou, man, that demest hem that doen siche thingis, and thou doist tho thingis, that thou schalt ascape the doom of God? 4 Whether `dispisist thou the richessis of his goodnesse, and the pacience, and the long abidyng? Knowist thou not, that the benygnyte of God ledith thee to forthenkyng?

James 2:12-13

12 Thus speke ye, and thus do ye, as bigynnynge to be demyd bi the lawe of fredom. 13 For whi dom with out merci is to hym, that doith no mercy; but merci aboue reisith dom.

James 1:19-20

19 Wite ye, my britheren moost loued, be ech man swift to here, but slow to speke, and slow to wraththe; 20 for the wraththe of man worchith not the riytwisnesse of God.

James 4:11-12

11 My britheren, nyle ye bacbite ech othere. He that bacbitith his brothir, ethir that demeth his brothir, bacbitith the lawe, and demeth the lawe. And if thou demest the lawe, thou art not a doere of the lawe, but a domesman. 12 But oon is makere of the lawe, and iuge, that may lese, and delyuere.

Topical data is from, retrieved November 11, 2013, and licensed under a Creative Commons Attribution License.