Bible verses about "corruption" | Wycliffe

²⁵ he comaundide to Leuytis that baren the ark of boond of pees of the Lord, ²⁶ and seide, Take ye this book, and putte ye it in the side of the arke of boond of pees of youre Lord God, that it be there ayens thee in to witnessyng. ²⁷ For Y knowe thi stryuyng, and thin hardest nol; yit while Y lyuede and entride with you, ye diden euere stryuyngli ayens the Lord; hou myche more whanne Y schal be deed. ²⁸ Gadere ye to me all the grettere men in birthe, and techeris, bi youre lynagis, and Y schal speke to hem, herynge these wordis, and Y schal clepe ayens hem heuene and erthe. ²⁹ For Y knowe, that aftir my deeth ye schulen do wickidli, and schulen bowe awei soone fro the weie which Y comaundide to you; and yuels schulen come to you in the laste tyme, whanne ye `han do yuel in the siyt of the Lord, that ye terre hym to ire bi the werkis of youre hondis.

¹⁰ thei han closide togidere her fatnesse; the mouth of hem spak pride.

³³ These thingis Y haue spokun to you, that ye haue pees in me; in the world ye schulen haue disese, but trust ye, Y haue ouercomun the world.

³⁴ And he ayenreiside hym fro deth, that he schulde not turne ayen in to corrupcioun, seide thus, For Y schal yyue to you the hooli trewe thingis of Dauid. ³⁵ And therfor and on an othere stide he seith, Thou schalt not yyue thin hooli to se corrupcioun. ³⁶ But Dauid in his generacioun, whanne he hadde mynstrid to the wille of God, diede, and was leid with hise fadris, and say corrupcioun; ³⁷ but he whom God reiside fro deth, say not corrupcioun.

²⁷ For thou schalt not leeue my soule in helle, nethir thou schalt yiue thin hooli to se corrupcioun.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

² Y woot thi werkis, and trauel, and thi pacience, and that thou maist not suffre yuele men; and thou hast asaied hem that seien that thei ben apostlis, and ben not, and thou hast foundun hem lieris;

¹³ For siche false apostlis ben trecherouse werk men, and transfiguren hem in to apostlis of Crist. ¹⁴ And no wondur, for Sathanas hym silf transfigurith hym in to an aungel of light. ¹⁵ Therfor it is not greet, if hise mynystris ben transfigurid as the mynystris of riytwisnesse, whos ende schal be aftir her werkis.

²¹ for the ilke creature schal be delyuered fro seruage of corrupcioun in to liberte of the glorie of the sones of God.

⁴ Bi whom he yaf to vs moost preciouse biheestis; that bi these thingis ye schulen be maad felows of Goddis kynde, and fle the corrupcioun of that coueytise, that is in the world.

⁸ for tho thingis that a man sowith, tho thingis he schal repe. For he that sowith in his fleisch, of the fleisch he schal repe corrupcioun; but he that sowith in the spirit, of the spirit he schal repe euerelastynge lijf.

¹⁹ Whiche lyuen in errour, and biheten fredom to hem, whanne thei ben seruauntis of corrupcioun. For of whom ony man is ouercomun, of hym also he is seruaunt.