Bible verses about "conscience" | Wycliffe

¹ And Poul bihelde in to the counsel, and seide, Britheren, Y with al good conscience haue lyued bifore God, `til in to this dai.

¹ I seie treuthe in Crist Jhesu, Y lye not, for my conscience berith witnessyng to me in the Hooli Goost,

⁵ And therfor bi nede be ye suget, not oneli for wraththe, but also for conscience.

²⁷ and that the anoyntyng which ye resseyueden of hym, dwelle in you. And ye han not nede, that ony man teche you, but as his anoyntyng techith you of alle thingis, and it is trewe, and it is not leesyng; and as he tauyte you, dwelle ye in hym.

⁹ If we knowlechen oure synnes, he is feithful and iust, that he foryyue to vs oure synnes, and clense vs from al wickidnesse.

¹⁴ hou myche more the blood of Crist, which bi the Hooli Goost offride hym silf vnwemmyd to God, schal clense oure conscience fro deed werkis, to serue God that lyueth?

¹ But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie, ² and haue her conscience corrupt,

¹ Blame thou not an eldere man, but biseche as a fadir, yonge men as britheren; elde wymmen as modris, ² yonge wymmen as sistris, in al chastite.

¹⁸ Preie ye for vs, and we tristen that we han good conscience in alle thingis, willynge to lyue wel.

⁵ Haue thou trist in the Lord, of al thin herte; and triste thou not to thi prudence. ⁶ In alle thi weies thenke thou on hym, and he schal dresse thi goyngis.

¹ But take ye a sijk man in bileue, not in demyngis of thouytis. ² For another man leueth, that he mai ete alle thingis; but he that is sijk, ete wortis. ³ He that etith, dispise not hym that etith not; and he that etith not, deme not hym that etith. For God hath take him to hym. ⁴ Who art thou, that demest anothris seruaunt? To his lord he stondith, or fallith fro hym. But he schal stonde; for the Lord is myyti to make hym parfit. ⁵ For whi oon demeth a day bitwixe a dai, another demeth ech dai. ⁶ Ech man encrees in his wit. He that vnderstondith the dai, vnderstondith to the Lord. And he that etith, etith to the Lord, for he doith thankyngis to God. And he that etith not, etith not to the Lord, and doith thankyngis to God. ⁷ For no man of vs lyueth to hymsilf, and no man dieth to hymself. ⁸ For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. ⁹ For whi for this thing Crist was deed, and roos ayen, that he be Lord bothe of quyke and of deed men. ¹⁰ But what demest thou thi brothir? or whi dispisist thou thi brothir? for alle we schulen stonde bifore the trone of Crist. ¹¹ For it is writun, Y lyue, seith the Lord, for to me ech kne schal be bowid, and ech tunge schal knouleche to God. ¹² Therfor ech of vs schal yelde resoun to God for hym silf. ¹³ Therfor `no more deme we ech other; but more deme ye this thing, that ye putte not hirtyng, or sclaundre, to a brothir. <sup>14</sup> I woot and triste in the Lord Jhesu, that no thing is vnclene bi hym, no but to him that demeth ony thing to be vnclene, to him it is vnclene. <sup>15</sup> And if thi brother be maad sori in conscience for mete, now thou walkist not aftir charite. Nyle thou thorouy thi mete lese hym, for whom Crist diede. <sup>16</sup> Therfor be not oure good thing blasfemed. <sup>17</sup> For whi the rewme of God is not mete and drynk, but riytwisnesse and pees and ioye in the Hooli Goost. <sup>18</sup> And he that in this thing serueth Crist, plesith God, and is proued to men. <sup>19</sup> Therfor sue we tho thingis that ben of pees, and kepe we togidere `tho thingis that ben of edificacioun. ²⁰ Nyle thou for mete distrie the werk of God. For alle thingis ben clene, but it is yuel to the man that etith bi offendyng. ²¹ It is good to not ete fleisch, and to not drynke wyn, nethir in what thing thi brother offendith, or is sclaundrid, or is maad sijk. ²² Thou hast feith anentis thi silf, haue thou bifore God. Blessid is he that demeth not hym silf in that thing that he preueth. ²³ For he that demeth, is dampned, if he etith; for it is not of feith. And al thing that is not of feith, is synne.

¹⁹ hauynge feith and good conscience, which summen casten awei, and perischiden aboute the feith.

¹⁵ And alle thingis ben clene to clene men; but to vnclene men and to vnfeithful no thing is clene, for the soule and conscience of hem ben maad vnclene.

¹⁶ but with myldenesse and drede, hauynge good conscience; that in that thing that thei bacbiten of you, thei ben confoundid, whiche chalengen falsly youre good conuersacioun in Crist.

⁵ For the ende of comaundement is charite of clene herte, and good conscience, and of feith not feyned.

²² neiye we with very herte in the plente of feith; and be oure hertis spreined fro an yuel conscience, and oure bodies waischun with clene watir,

¹⁵ that schewen the werk of the lawe writun in her hertis. For the conscience of hem yeldith to hem a witnessyng bytwixe hem silf of thouytis that ben accusynge or defendynge,

²¹ and thin eeris schulen here a word bihynde the bak of hym that monestith; This is the weie, go ye therynne, nether to the riyt half nether to the left half.