Bible verses about "compassion" | Wycliffe

¹⁵ Whether a womman may foryete hir yonge child, that sche haue not merci on the sone of hir wombe? thouy sche foryetith, netheles Y schal not foryete thee.

³⁶ And he siy the puple, and hadde reuthe on hem; for thei weren trauelid, and liggynge as scheep not hauynge a scheepherde.

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge. ² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt. ³ And if Y departe alle my goodis in to the metis of pore men, and yf Y bitake my bodi, so that Y brenne, and if Y haue not charite, it profitith to me no thing. ⁴ Charite is pacient, it is benygne; charite enuyeth not, it doith not wickidli, it is not blowun, ⁵ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ⁶ it ioyeth not on wickidnesse, but it ioieth togidere to treuthe; ⁷ it suffrith alle thingis, it bileueth alle thingis, it hopith alle thingis, it susteyneth alle thingis. ⁸ Charite fallith neuere doun, whether prophecies schulen be voidid, ethir langagis schulen ceesse, ethir science schal be distried. ⁹ For a parti we knowun, and a parti we prophecien; ¹⁰ but whanne that schal come that is parfit, that thing that is of parti schal be auoidid. ¹¹ Whanne Y was a litil child, Y spak as a litil child, Y vndurstood as a litil child, Y thouyte as a litil child; but whanne Y was maad a man, Y auoidide tho thingis that weren of a litil child. ¹² And we seen now bi a myrour in derknesse, but thanne face to face; now Y knowe of parti, but thanne Y schal knowe, as Y am knowun. ¹³ And now dwellen feith, hope, and charite, these thre; but the most of these is charite.

⁹ The Lord tarieth not his biheest, as summe gessen, but he doith pacientli for you, and wole not that ony men perische, but that alle turne ayen to penaunce.

⁸ And in feith alle of oon wille in preier be ye eche suffringe with othere, loueris of britherhod, merciful, mylde, meke;

¹⁴ And Jhesus yede out, and sai a greet puple, and hadde reuthe on hem, and heelide the sike men of hem.

⁶ and repentide him that he hadde maad man in erthe; and God was war bifore ayens tyme to comyng, and was touchid with sorewe of herte with ynne;

² Ech bere othere chargis, and so ye schulen fulfille the lawe of Crist.

³ Blessid be God and the fadir of oure Lord Jhesu Crist, fadir of mercies, and God of al coumfort, ⁴ which coumfortith vs in al oure tribulacioun, that also we moun coumforte hem, that ben in al diseese, bi the monestyng bi which also we ben monestid of God.

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience; ¹³ and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.

³⁴ And Jhesus yede out, and saiy myche puple, and hadde reuth on hem, for thei weren as scheep not hauynge a scheepherd. And he bigan to teche hem many thingis.

³² and be ye togidere benygne, merciful, foryyuynge togidere, as also God foryaf to you in Crist.