Bible verses about "christ-centered" | Wycliffe

¹⁵ And he seide to hem, Go ye in to al the world, and preche the gospel to eche creature. ¹⁶ Who that bileueth, and is baptisid, schal be saaf; but he that bileueth not, schal be dampned.

²⁰ For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth. ²¹ For me to lyue is Crist, and to die is wynnyng.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

¹⁰ For bi herte me bileueth to riytwisnesse, but bi mouth knowleching is maad to helthe.

¹⁵ Nyle ye loue the world, ne tho thingis that ben in the world. If ony man loueth the world, the charite of the fader is not in hym. ¹⁶ For al thing that is in the world, is coueitise of fleisch, and coueitise of iyen, and pride of lijf, which is not of the fadir, but it is of the world. ¹⁷ And the world schal passe, and the coueitise of it; but he that doith the wille of God, dwellith with outen ende.

² Ye coueiten, and ye han not; ye sleen, and ye han enuye, and ye moun not gete. Ye chiden, and maken batel; and ye han not, for ye axen not. ³ Ye axen, and ye resseyuen not; for that ye axen yuele, as ye schewen opynli in youre coueitisis. ⁴ Auowtreris, witen not ye, that the frenschip of this world is enemye to God? Therfor who euere wole be frend of this world, is maad the enemye of God.

¹³ Y may alle thingis in hym that coumfortith me.

²⁰ And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

⁸ Jhesu Crist, yistirdai, and to dai, he is also into worldis.

³⁸ But Y am certeyn, that nethir deeth, nether lijf, nether aungels, nethir principatus, nether vertues, nether present thingis, nether thingis to comynge, nether strengthe, ³⁹ nether heiyth, nether depnesse, nether noon othir creature may departe vs fro the charite of God, that is in `Crist Jhesu oure Lord.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

¹ Be ye my foleweris, as Y am of Crist. ² And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.

⁷ The vois of the Lord departynge the flawme of fier;

⁵ Haue thou trist in the Lord, of al thin herte; and triste thou not to thi prudence. ⁶ In alle thi weies thenke thou on hym, and he schal dresse thi goyngis.

³³ Therfor seke ye first the kyngdom of God, and his riytfulnesse, and alle these thingis shulen be cast to you.