Bible verses about "cheating" | Wycliffe

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

³¹ And as ye wolen that men do to you, do ye also to hem in lijk maner. ³² And if ye louen hem that louen you, what thanke is to you? for synful men louen men that louen hem. ³³ And if ye don wel to hem that don wel to you, what grace is to you? synful men don this thing. ³⁴ And if ye leenen to hem of whiche ye hopen to take ayen, what thanke is to you? for synful men leenen to synful men, to take ayen as myche. ³⁵ Netheles loue ye youre enemyes, and do ye wel, and leene ye, hopinge no thing therof, and youre mede schal be myche, and ye schulen be the sones of the Heyest, for he is benygne on vnkynde men and yuele men. ³⁶ Therfor be ye merciful, as youre fadir is merciful. ³⁷ Nyle ye deme, and ye schulen not be demed. Nyle ye condempne, and ye schulen not be condempned; foryyue ye, and it schal be foryouun to you. ³⁸ Yyue ye, and it schal be youun to you. Thei schulen yyue in to youre bosum a good mesure, and wel fillid, and schakun togidir, and ouerflowynge; for bi the same mesure, bi whiche ye meeten, it schal be metun `ayen to you. <sup>39</sup> And he seide to hem a liknesse, Whether the blynde may leede the blynde? ne fallen thei not bothe `in to the diche? ⁴⁰ A disciple is not aboue the maistir; but eche schal be perfite, if he be as his maister. ⁴¹ And what seest thou in thi brotheris iye a moot, but thou biholdist not a beem, that is in thin owne iye? ⁴² Or hou maist thou seie to thi brother, Brothir, suffre, Y schal caste out the moot of thin iye, and thou biholdist not a beem in thin owne iye? Ipocrite, first take out the beem of thin iye, and thanne thou schalt se to take the moot of thi brotheris iye.

¹⁰ He that is trewe in the leeste thing, is trewe also in the more; and he that is wickid in a litil thing, is wickid also in the more. ¹¹ Therfor if ye weren not trewe in the wickid thing of ritchesse, who schal bitake to you that that is verry? ¹² And if ye weren not trewe in othere mennus thing, who schal yyue to you that that is youre?

⁹ Nyle ye lie togidere; spuyle ye you fro the elde man with his dedes, and clothe ye the newe man,

²⁶ And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn.

⁵ Be youre maneres withoute coueitise, apaied with present thingis; for he seide, Y schal not leeue thee,

³² But he that is avouter; schal leese his soule, for the pouert of herte.

²² Seie thou not, Y schal yelde yuel for yuel; abide thou the Lord, and he schal delyuere thee.

⁶ Betere is a pore man goynge in his sympilnesse, than a riche man in schrewid weies.

⁷ Nyle ye erre, God is not scorned; ⁸ for tho thingis that a man sowith, tho thingis he schal repe. For he that sowith in his fleisch, of the fleisch he schal repe corrupcioun; but he that sowith in the spirit, of the spirit he schal repe euerelastynge lijf.

¹ Betere is a pore man, that goith in his simplenesse, than a riche man bitynge hise lippis, and vnwijs.

⁹ He that goith simpli, goith tristili; but he that makith schrewid hise weies, schal be opyn.

²⁷ Ye han herd that it was seid to elde men, Thou schalt `do no letcherie. ²⁸ But Y seie to you, that euery man that seeth a womman for to coueite hir, hath now do letcherie bi hir in his herte.

⁴ `Wedding is in alle thingis onourable, and bed vnwemmed; for God schal deme fornicatouris and auouteris.

²² False lippis is abhominacioun to the Lord; but thei that don feithfuli, plesen him.

¹⁷ Therfor it is synne to hym, that kan do good, and doith not.