Bible verses about "brothers" | Wycliffe

²⁶ Jonathas was slayn in the hiye places. Y make sorewe on thee, my brother Jonathas, ful fair, `and amyable more than the loue of wymmen; as a modir loueth oon aloone sone, so Y louyde thee.

¹⁰ Forsake thou not thi frend, and the frend of thi fadir; and entre thou not in to the hous of thi brothir, in the dai of thi turment. Betere is a neiybore nyy, than a brothir afer.

⁹ and prechide, that ech man schulde delyuere his seruaunt, and ech man his handmaide, an Ebreu man and an Ebru womman fre, and that thei schulden not be lordis of hem, that is, in a Jew, and her brothir.

⁵⁰ for who euer doith the wille of my fadir that is in heuenes, he is my brothir, and sistir, and modir.

⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

³⁴ Y yyue to you a newe maundement, that ye loue togidir, as Y louede you, `and that ye loue togidir. ³⁵ In this thing alle men schulen knowe, that ye ben my disciplis, if ye han loue togidere.

⁸ For if ony man hath not cure of his owne, and most of hise household men, he hath denyed the feith, and is worse than an vnfeithful man.

³⁵ So my fadir of heuene schal do to you, if ye foryyuen not euery man to his brother, of youre hertes.

¹¹ For he that halewith, and thei that ben halewid, ben alle of oon; for which cause he is not schamed to clepe hem britheren,

²² And make ye chast youre soulis in obedience of charite, in loue of britherhod; of simple herte loue ye togidre more bisili.

²⁴ A man freendli to felouschipe schal more be a frend, than a brothir.

¹⁵ But if thi brother synneth ayens thee, go thou, and repreue hym, bitwixe thee and hym aloone; if he herith thee, thou hast wonnun thi brother. ¹⁶ And if he herith thee not, take with thee oon or tweyne, that euery word stonde in the mouth of tweyne or thre witnessis. ¹⁷ And if he herith not hem, seie thou to the chirche. But if he herith not the chirche, be he as an hethen and a pupplican to thee. ¹⁸ Y seie to you treuli, what euer thingis ye bynden on erthe, tho schulen be boundun also in heuene; and what euer thingis ye vnbynden on erthe, tho schulen be vnboundun also in heuene. ¹⁹ Eftsoone Y seie to you, that if tweyne of you consenten on the erthe, of euery thing what euer thei axen, it schal be don to hem of my fadir that is in heuenes. ²⁰ For where tweyne or thre ben gaderid in my name, there Y am in the myddil of hem.

²⁰ If ony man seith, that `Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?

¹ The charite of britherhod dwelle in you, and nyle ye foryete hospitalite;

¹ The `title of the hundrid and thre and thrittithe salm. The song of greces. Lo! now blesse ye the Lord; alle the seruauntis of the Lord. Ye that stonden in the hous of the Lord; in the hallis of `the hous of oure God.

¹⁵ Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym.

¹⁷ He that is a frend, loueth in al tyme; and a brother is preuyd in angwischis.