Bible verses about "brotherhood" | Wycliffe

Romans 12:10

10 louynge togidere the charite of britherhod. Eche come bifore to worschipen othere;

Psalms 133:1-3

1 The `title of the hundrid and thre and thrittithe salm. The song of greces. Lo! now blesse ye the Lord; alle the seruauntis of the Lord. Ye that stonden in the hous of the Lord; in the hallis of `the hous of oure God. 2 In nyytis reise youre hondis in to hooli thingis; and blesse ye the Lord. 3 The Lord blesse thee fro Syon; which Lord made heuene and erthe.

Malachi 2:10

10 Whether not o fadir is of alle you? whether o God made not of nouyt you? Whi therfor ech of you dispisith his brother, and defoulith the couenaunt of youre fadris?

Ephesians 4:29

29 Ech yuel word go not of youre mouth; but if ony is good to the edificacioun of feith, that it yyue grace to men that heren.

Philippians 2:2

2 fille ye my ioye, that ye vndurstonde the same thing, and haue the same charite, of o wille, and feelen the same thing;

John 13:34

34 Y yyue to you a newe maundement, that ye loue togidir, as Y louede you, `and that ye loue togidir.

Galatians 3:28

28 Ther is no Jewe, ne Greke, ne bond man, ne fre man, ne male, ne female; for alle ye ben oon in `Jhesu Crist.

Hebrews 13:1

1 The charite of britherhod dwelle in you, and nyle ye foryete hospitalite;

John 13:35

35 In this thing alle men schulen knowe, that ye ben my disciplis, if ye han loue togidere.

Ecclesiastes 4:10-12

10 If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him. 11 And if tweyne slepen, thei schulen be nurschid togidere; hou schal oon be maad hoot? 12 And if ony man hath maistri ayens oon, tweyne ayen stonden hym; a threfolde corde is brokun of hard.

1 Peter 2:17

17 Onoure ye alle men, loue ye brithirhod, drede ye God, onoure ye the king.

Proverbs 17:17

17 He that is a frend, loueth in al tyme; and a brother is preuyd in angwischis.

1 John 4:20

20 If ony man seith, that `Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?

Topical data is from, retrieved November 11, 2013, and licensed under a Creative Commons Attribution License.