Bible verses about "blame" | Wycliffe

³³ These thingis Y haue spokun to you, that ye haue pees in me; in the world ye schulen haue disese, but trust ye, Y haue ouercomun the world.

¹ Nile ye deme, `that ye be not demed; for in what doom ye demen, <sup>2</sup> ye schulen be demed, and in what mesure ye meten, it schal be meten ayen to you. <sup>3</sup> But what seest thou a litil mote in the iye of thi brother, and seest not a beem in thin owne iye? <sup>4</sup> Or hou seist thou to thi brothir, Brothir, suffre I schal do out a mote fro thin iye, and lo! a beem is in thin owne iye? <sup>5</sup> Ipocrite, `do thou out first the beem of thin iye, and thanne thou schalt se to do out the mote of the iye of thi brothir.

³ And not this oneli, but also we glorien in tribulaciouns, witynge that tribulacioun worchith pacience, ⁴ and pacience preuyng, and preuyng hope. ⁵ And hope confoundith not, for the charite of God is spred abrood in oure hertis bi the Hooli Goost, that is youun to vs.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

² My britheren, deme ye al ioye, whanne ye fallen in to diuerse temptaciouns, witynge, ³ that the preuyng of youre feith worchith pacience; ⁴ and pacience hath a perfit werk, that ye be perfit and hole, and faile in no thing.

¹ Wherfor thou art vnexcusable, ech man that demest, for in what thing thou demest anothir man, thou condempnest thi silf; for thou doist the same thingis whiche thou demest.

¹² Amen. Moost dere brytheren, nyle ye go in pilgrymage in feruour, that is maad to you to temptacioun, as if ony newe thing bifalle to you;