Bible verses about "betrothal" | Wycliffe

¹⁸ And Jacob louede Rachel, and seide, Y schal serue thee seuene yeer for Rachel thi lesse douytir. ¹⁹ Laban answeride, It is betere that Y yyue hir to thee than to anothir man; dwelle thou at me. ²⁰ Therfor Jacob seruyde seuene yeer for Rachel; and the daies semyden fewe to hym for the greetnesse of loue. ²¹ And he seide to Laban, Yyue thou my wijf to me, for the tyme is fillid that Y entre to hir. ²² And whanne many cumpenyes of freendis weren clepid to the feeste, he made weddyngis, ²³ and in the euentid Laban brouyte in to hym Lya his douytir, ²⁴ and yaf an handmaide, Selfa bi name, to the douyter. And whanne Jacob hadde entrid to hir bi custom, whanne the morewtid was maad, he seiy Lya, ²⁵ and seide to his wyues fadir, What is it that thou woldist do? wher Y seruede not thee for Rachel? whi hast thou disseyued me? ²⁶ Laban answerde, It is not custom in oure place that we yyue first the `lesse douytris to weddyngis; <sup>27</sup> fille thou the wouke of daies of this couplyng, and Y schal yyue to thee also this Rachel, for the werk in which thou schalt serue me bi othere seuene yeer. <sup>28</sup> Jacob assentide to the couenaunt, and whanne the wouke was passid, <sup>29</sup> he weddide Rachel, to whom the fadir hadde youe Bala seruauntesse. <sup>30</sup> And at the laste he vside the weddyngis desirid, and settide the loue of the `wijf suynge bifore the former; and he seruede at Laban seuene othere yeer.

³¹ For this thing a man schal forsake his fadir and modir, and he schal drawe to his wijf; and thei schulen be tweyne in o fleisch.

¹⁹ And Y schal spouse thee to me withouten ende; and Y schal spouse thee to me in riytfulnesse, and in dom, and in merci, and in merciful doyngis.

² For Y loue you bi the loue of God; for Y haue spousid you to oon hosebonde, to yelde a chast virgyn to Crist.