Bible verses about "assurance" | Wycliffe

⁴ The innocent in hondis, and in cleene herte; whiche took not his soule in veyn, nether swoor in gile to his neiybore.

⁵⁵ He that etith my fleisch, and drynkith my blood, hath euerlastynge lijf, and Y schal ayen reise hym in the laste dai. ⁵⁶ For my fleisch is veri mete, and my blood is very drynk. ⁵⁷ He that etith my fleisch, and drynkith my blood, dwellith in me, and Y in hym. ⁵⁸ As my fadir lyuynge sente me, and Y lyue for the fadir, and he that etith me, he schal lyue for me. ⁵⁹ This is breed, that cam doun fro heuene. Not as youre fadris eten manna, and ben deed; he that etith this breed, schal lyue withouten ende. ⁶⁰ He seide these thingis in the synagoge, techynge in Cafarnaum. ⁶¹ Therfor many of hise disciplis herynge, seiden, This word is hard, who may here it? ⁶² But Jhesus witynge at hym silf, that hise disciplis grutchiden of this thing, seide to hem, This thing sclaundrith you? ⁶³ Therfor if ye seen mannus sone stiynge, where he was bifor? ⁶⁴ It is the spirit that quykeneth, the fleisch profitith no thing; the wordis that Y haue spokun to you, ben spirit and lijf.

⁶ Be ye nothing bisi, but in al preyer and biseching, with doyng of thankyngis, be youre axyngis knowun at God. ⁷ And the pees of God, that passith al wit, kepe youre hertis and vndurstondingis in Crist Jhesu.

¹⁴ And this is the trist which we han to God, that what euer thing we axen aftir his wille, he schal here vs.

²⁸ Therfor we resseyuynge the kingdom vnmouable, haue we grace, bi which serue we plesynge to God with drede and reuerence.

¹² For which cause also Y suffre these thingis; but Y am not confoundid. For Y woot to whom Y haue bileuyd, and Y am certeyne that he is miyti for to kepe that is take to my keping in to that dai.

¹⁶ And the ilke spirit yeldith witnessyng to oure spirit, that we ben the sones of God;

¹⁸ Mi litle sones, loue we not in word, nethir in tunge, but in werk and treuthe. ¹⁹ In this thing we knowen, that we ben of treuthe, and in his siyt we monesten oure hertis. ²⁰ For if oure herte repreueth vs, God is more than oure hert, and knowith alle thingis. ²¹ Moost dere britheren, if oure herte repreueth not vs, we han trust to God; ²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym.

¹³ I write to you these thingis, that ye wite, that ye han euerlastynge lijf, which bileuen in the name of Goddis sone.

³⁶ He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

¹¹ And many false prophetis schulen rise, and disseyue manye. ¹² And for wickidnesse schal `be plenteuouse, the charite of manye schal wexe coold; ¹³ but he that schal dwelle stable in to the ende, schal be saaf.