Bible verses about "anxiety" | Wycliffe

⁸ Al erthe drede the Lord; sotheli alle men enhabitynge the world ben mouyd of hym. ⁹ For he seide, and thingis weren maad; he comaundide, and thingis weren maad of nouyt. ¹⁰ The Lord distrieth the counsels of folkis, forsothe he repreueth the thouytis of puplis; and he repreueth the counsels of prynces.

¹⁴ I pleside so as oure neiybore, as oure brother; Y was `maad meke so as morenynge and sorewful.

¹ And now the Lord God, makynge of nouyt thee, Jacob, and formynge thee, Israel, seith these thingis, Nyle thou drede, for Y ayenbouyte thee, and Y clepide thee bi thi name; thou art my seruaunt. ² Whanne thou schalt go bi watris, Y schal be with thee, and floodis schulen not hile thee; whanne thou schalt go in fier, thou schalt not be brent, and flawme schal not brenne in thee. ³ For Y am thi Lord God, the hooli of Israel, thi sauyour. I yaf thi merci Egipt; Ethiopie and Saba for thee.

²⁷ Pees Y leeue to you, my pees Y yyue to you; not as the world yyueth, Y yiue to you; be not youre herte affrayed, ne drede it.

¹ Be not youre herte afraied, ne drede it; ye bileuen in God, and bileue ye in me. ² In the hous of my fadir ben many dwellyngis; if ony thing lesse, Y hadde seid to you, for Y go to make redi to you a place. ³ And if Y go, and make redi to you a place, eftsoones Y come, and Y schal take you to my silf, that where Y am, ye be. ⁴ And whidur Y go, ye witen, and ye witen the weie.

⁷ For whi God yaf not to vs the spirit of drede, but of vertu, and of loue, and of sobrenesse.

⁵ And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym.

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

¹⁰ And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

⁶ nether forsake, so that we seie tristily, The Lord is an helpere to me; Y schal not drede, what a man schal do to me.

¹³ Y may alle thingis in hym that coumfortith me.

⁶ Be ye nothing bisi, but in al preyer and biseching, with doyng of thankyngis, be youre axyngis knowun at God.

⁶ Therfor be ye mekid vndir the myyti hoond of God, that he reise you in the tyme of visitacioun, ⁷ and caste ye al youre bisynesse in to hym, for to hym is cure of you.

²⁵ Therfor I seie to you, that ye be not bisi to youre lijf, what ye schulen ete; nether to youre bodi, with what ye schulen be clothid. Whether lijf is not more than meete, and the bodie more than cloth? ²⁶ Biholde ye the foulis of the eire, for thei sowen not, nethir repen, nethir gaderen in to bernes; and youre fadir of heuene fedith hem. Whether ye ben not more worthi than thei? ²⁷ But who of you thenkynge mai putte to his stature o cubit? ²⁸ And of clothing what ben ye bisye? Biholde ye the lilies of the feeld, how thei wexen. Thei trauelen not, nether spynnen; ²⁹ and Y seie to you, Salomon in al his glorie was not keuered as oon of these. ³⁰ And if God clothith thus the hei of the feeld, that to day is, and to morewe is cast in to an ouen, hou myche more you of litel feith? ³¹ Therfor nyle ye be bisi, seiynge, What schulen we ete? or, What schulen we drinke? or, With what thing schulen we be keuered? ³² For hethene men seken alle these thingis; and youre fadir woot, that ye han nede to alle these thingis. ³³ Therfor seke ye first the kyngdom of God, and his riytfulnesse, and alle these thingis shulen be cast to you. ³⁴ Therfor nyle ye be bisy in to the morew, for the morew shal be bisi to `hym silf; for it suffisith to the dai his owen malice.

⁷ and caste ye al youre bisynesse in to hym, for to hym is cure of you.

⁶ Be ye nothing bisi, but in al preyer and biseching, with doyng of thankyngis, be youre axyngis knowun at God. ⁷ And the pees of God, that passith al wit, kepe youre hertis and vndurstondingis in Crist Jhesu.