Bible verses about "alert" | Wycliffe

Mark 13:33-37

³³ Se ye, wake ye, and preie ye; for ye witen not, whanne the tyme is. ³⁴ For as a man that is gon fer in pilgrimage, lefte his hous, and yaf to his seruauntis power of euery work, and comaundide to the porter, that he wake. ³⁵ Therfor wake ye, for ye witen not, whanne the lord of the hous cometh, in the euentide, or at mydnyyt, or at cockis crowyng, or in the mornyng; ³⁶ leste whanne he cometh sodenli, he fynde you slepynge. ³⁷ Forsothe that that Y seie to you, Y seie to alle, Wake ye.

Luke 10:25-28

²⁵ And lo! a wise man of the lawe ros vp, temptynge hym, and seiynge, Maister, what thing schal Y do to haue euerlastynge lijf? ²⁶ And he seide to hym, What is writun in the lawe? hou redist thou? ²⁷ He answeride, and seide, Thou schalt loue thi Lord God of al thin herte, and of al thi soule, and of alle thi strengthis, and of al thi mynde; and thi neiybore as thi silf. ²⁸ And Jhesus seide to hym, Thou hast answerid riytli; do this thing, and thou schalt lyue.

John 15:7

⁷ If ye dwellen in me, and my wordis dwelle in you, what euer thing ye wolen, ye schulen axe, and it schal be don to you.

1 Corinthians 6:9-11

⁹ Whether ye witen not, that wickid men schulen not welde the kyngdom of God? Nyle ye erre; nethir letchours, nether men that seruen mawmetis, nether auouteris, ¹⁰ nether letchouris ayen kynde, nether thei that doon letcheri with men, nether theues, nether auerouse men, nethir `ful of drunkenesse, nether curseris, nether rauenours, schulen welde the kyngdom of God. ¹¹ And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

Galatians 5:19-21

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

1 John 1:8

⁸ If we seien, that we han no synne, we disseyuen vs silf, and treuthe is not in vs.

Matthew 26:41

⁴¹ Wake ye, and preye ye, that ye entre not in to temptacioun; for the spirit is redi, but the fleisch is sijk.

Luke 21:36

³⁶ Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone.

Ephesians 4:22-24

²² Do ye awey bi the elde lyuyng the elde man, that is corrupt bi the desiris of errour; ²³ and be ye renewlid in the spirit of youre soule; ²⁴ and clothe ye the newe man, which is maad aftir God in riytwisnesse and hoolynesse of treuthe.

Matthew 24:42

⁴² Therfor wake ye, for ye witen not in what our the Lord schal come.

Mark 14:38

³⁸ Wake ye, and `preie ye, that ye entre not in to temptacioun; for the spirit is redi, but the fleische is sijk.

Matthew 24:44

⁴⁴ And therfor be ye redi, for in what our ye gessen not, mannus sone schal come.

1 Thessalonians 5:2-9

² For ye silf witen diligentli, that the dai of the Lord schal come, as a theef in the niyt. ³ For whanne thei schulen seie pees is, and sikirnesse, thanne sudeyn deth schal come on hem, as sorewe to a womman that is with child, and thei schulen not scape. ⁴ But, britheren, ye ben not in derknessis, that the ilke dai as a theef catche you. ⁵ For alle ye ben the sones of liyt, and sones of dai; we ben not of niyt, nether of derknessis. ⁶ Therfor slepe we not as othere; but wake we, and be we sobre. ⁷ For thei that slepen, slepen in the niyt, and thei that ben drunkun, ben drunkun in the niyt. ⁸ But we that ben of the dai, ben sobre, clothid in the haburioun of feith and of charite, and in the helme of hope of heelthe. ⁹ For God puttide not vs in to wraththe, but in to the purchasing of heelthe bi oure Lord Jhesu Crist, that was deed for vs;