Bible verses about "martyrs" | WestSaxon990

¹⁶ Ða cwæð thomas to hys geferan. uton gan & sweltan mid him;

²⁸ & ne ondræde ge þa ðe eowyrne lic-haman of-sleaþ. ne magon hig soþlice þa sawle ofslean. ac ondrædað mä þone þe mæg sawle & lichaman fordön on helle. ²⁹ hü ne becypað hïg twegen spearwan to peninge. & än of ðam ne be-fylð on eorðan bütan eowrun fæder; ³⁰ And soþlice ealle eowres heafdes loccas synt getealde; ³¹ Ne ondræde ge ge synt selran þonne manega spearuan; ³² Ælcne eornustlice þe me cyþ beforan mannun. ic cyþe hyne beforan mïnun fæder þe on heofenum ys; ³³ Se þe me wiðsæcð beforan mannun. & ic wiþsace hyne beforan mïnum fæder þe on heofenum ys;