Bible verses about "midnight" | WestSaxon1175

¹ Soðlice heofene rice ys ge-lic þam hyrdes ealdre. þe on ernemorgen ut-eode ähyrian wyrhten on hys win-geard. ² Ge-wordenre ge-cwydredene þam werhtan he sealde ælchen ænne pænig wið hys dæges weorke. he sente hyo on hys win-geard. ³ & þa he ut-eode ymbe under-tide. he ge-seah oðre on stræte ydele standen. ⁴ Þa cwæð he. ga ge on minne win-geard. & ic gyfe eow þt riht beoð. & hy þa eoden. ⁵ Eft he ut-eode embe þa syxten & þa nigeþan tyde. & dyde þam swa ge-lice. ⁶ Ða ymbe þa endlyftan tide heo (sic) ut-geode. & funde oðre standende. & þa sægde he. Hwi stande ge her ealne dayg ydele. ⁷ Ða cwæðen hye. for-þan þe nan mann us ne herde. Ða [quoth]. he gað on minne win-geard. ⁸ Soðlice þa hyt wæs æfen ge-worðen. þa sægde þas wingeardes hlaford hys ge-refen. Clepe þa werhtan. & gyf heom heore mede. agyn fram þam ytemestan. oð þanne fyrmesten. ⁹ Eornestlice þa ða ge-comen þa ymbe þa ændlyften tide comen. þa onfengen hi ælch hys panig. ¹⁰ & þa þe þær ær comen wenden þæt hyo mare scolden on-fon. þa on-fengen hyo sindrie paneges. ¹¹ Ða ongunnen hyo murcnian ongean þanne heorde alder. ¹² & þus cwæðen. Ðas ytemestan worhtan ane tïde. & þu dydest hyo ge-liche us. þe bæren byrdene oððe þises dayges hæten. ¹³ Þa cwæð he andsweriende hyora anen. Eale þu freond ne do ich þe nane teonen. hu ne come þu to me to wyrcenne for ænne panig. ¹⁴ nym þæt þe þin ys & gä. ic wille þisen ytemestan gyfan eal swa mycel swa þe. ¹⁵ Oððe ne mot ic don þæt ic wille. hwader þe þin eage manfull ys. forþam þe ich göd eom. ¹⁶ Swa beoð þa fyrmestan ytemeste. & þa ytemesta fyrmesta. Soðlice manega synde ge-clypede. & feawe ge-corena.

¹ & þa se hælend eode ut of þam temple. him to ge-nehlahten his leorning-cnihtes þt hy him atewede þas temples getymbringe. ² þa andswerede he heom. & [quoth]. Geseo ge eal þis. Soð ic segge eow. ne beoð hær be-lyfd stan uppon stane þe ne beoð to-worpen. ³ Þa he set up-on oliuetes dune. þa comen hys leorning-cnihtes digelice. & cwæðen. Sege us hwanne þas þing ge-wurðen. & hwilc tacen syo þines to-kymes & worlde ge-ændenge. ⁴ Þa andswerede he heom. & [quoth]. Warniað þt eow nan ne be-swike. ⁵ Manega cumeð on minen namen & cweðeð. Ic eom crist. & be-swicað manege. ⁶ Witodlice ge ge-hyreð feoht & ge-feohta hlisan. warnieð þt ge ne beon ge-drefaðe. Ðas þing sculen gewurðen. ac nys þanne geot se ænde. ⁷ Þeod winð ongen þeode. & rice ongean rice. & man-cwalmes beoð. & hungres wide geon land. & eorðe steriunge. ⁸ Ealle þas þing synt þare sare anginne. ⁹ Þonne syllað hy eow on gedrefednysse. & of-sleað eow. & ealle men eow hatigeð for minen namen. ¹⁰ & þanne beoð manega ungetreowsede & be-lawað be-tweox heom. & hatigeð heom be-tweonen. ¹¹ & manege lease witegan cumeð. & be-swicað manega. ¹² & for-þam þe unrihtwysnesse rixað manegera lufe äcolað. ¹³ Witodlice seþe þurh-wuneð oð ende se beoð hal. ¹⁴ & þis godspel byð boded ofer ealle eorðan. on witnyssen eallen þeoden & þanne cymð seo ge-endunge. ¹⁵ Þanne ge ge-seoð þa on-sceonunge þare toworpednisse þe së wïtege ge-cwæð daniel. þa he stod on haligre stowe. on-gyte se þe hit ræt. ¹⁶ Fleon þanne to munten þa þe on iudea lande synt. ¹⁷ & se þe is uppon his huse. ne ga he niðer. þt he æny þing on his huse fecce. ¹⁸ & seþe is on akere. ne cyrre he þt he hys tuneken nyme. ¹⁹ Wa eacniendon & fedendon on þam dagen. ²⁰ Biddeð þt eower fleam on wintre oððe on reste-daige ne ge-wurðe. ²¹ Witodlice þanne byð swa micel gedeorf swa nes [Note: MS. mes. ] on midden-eardes fruman oð þis. Ne nu ne gewurð [Note: MS. gewurd. ] . ²² & buten þa dages ge-scerte wæron nære nan man hal ge-worðen. Ac for þan gecorenan þe he ge-cheas. þa dages beoð ge-scyrte. ²³ þanne gyf eow hwa segð nu crist ys her. oððe þær. ne ge-lyfe ge heom. ²⁴ þanne cumeð lease cristes & lease witegen. & doð micel taken. & forbæcne þt þa beoð on ge-dwolen ge-lædde. Gyf hyt beon mæg þe gecorene wæren. ²⁵ Witodlice ic hit eow for-saigde. ²⁶ Gif hyo eow seggeð her he is on west-cynne ne fare ge ut. gyf hyo seggeð her he is on þurh-faren ne gelyfe ge. ²⁷ Witodlice swa swa liht ferð fram east-dæle & ætyð oð wæst-dæl swa byð mannes sune to-cyme. ²⁸ Swa hwær swa holt [Note: MS. hold, alt. to holt. ] byð þider beoð earnes gegaderede. ²⁹ Sona æfter þare daige drefednisse syo sunne beoð for-dworken. & se mone his leoht ne sylð. & steorran falleð of þare heofena. & þare heofene mægene beoð astyrede. ³⁰ & þanne ateweð [Note: MS. atewed. ] mannes sune tacnen on heofenen. & þanne wepað ealle eorðan mægða. & ge-seoð mannes sune cumende on heofenan genïpod mid mycele mægna & mægðrimna (sic). ³¹ & he asent hys ængles mid beman. & mycelre stefne. & hyo ge-gaderieð hys gecorene of feower midden-eardes enden. of heofene heahnysse oððe hire ge-mære. ³² Leorniað byspell be þam fic-treowe þanne his twi byð hnesce. & leaf akenned ge witen þt sumer is gehende. ³³ & wite ge swa þanne ge þas þing geseoð þt he ys on duren ge-hende. ³⁴ Soð ic segge eow þt þes cneorys ne ge-wit ær þam ealle þas þing ge-wurðan. ³⁵ heofene & eorðe gewitoð. witedlice mine word ne gewiteð. ³⁶ Nat man be þam daige ne be þare tide. ne forðan engles. buton fæder ane. ³⁷ Witodlice swa swa on nöes dagen wæs. swa byð mannes sune to-cumene. ³⁸ swa hyo wæren on ðam dagen ær þam flode etende & drinkende & wifiende & gyfte syllende oð þanne daig þe nöe on þam earce eode. ³⁹ & hy nysten ær þt flod com & nam hyo ealle. swa beoð mannes sune to-cumene. ⁴⁰ þanne beoð twegen on acere an beoð genumen. & oðer beoð læfð (sic). ⁴¹ Twegen beoð æt cweorne grindende. an beoð numen [Note: MS. nunen. ] & oþer byð lefed [Note: MS. lefeð. ] . Twegen beoð on bedde. an byð genymen. & oþer byð lefed [Note: MS. lefeð. ] . ⁴² Wakieð witodlice forþan þe ge nyton on hwilcere tyde eower hlaford cuman wile. ⁴³ Witoð [Note: MS. Witod. ] þt gyf þas hyrdes ealdor wiste on hwilcere tyde se þeof to-ward wære witodlice he wolde wakian. & nolde geþafian þt man his hus under-dulfe. ⁴⁴ & forþan beon ge. gearewe. for-þam þe mannes sune wile cumen on þare tyde þe ge nyten. ⁴⁵ Wenst þu hwa sye ge-treowe & gleaw þeow. þanne ge-sett hys hlaford ofer his hyred. þt he heom on tyde mete sylle. ⁴⁶ Eadig ys se þeow þe his hlaford hine gemet þus doende. þanne he cymð. ⁴⁷ Soð ic eow segge þt ofer eall þt he ag he hine sett. ⁴⁸ Gyf se yfela þeow þencð on his heorten & cwyð. mi hlaford aferreð his kyme. ⁴⁹ & aginð beaten his efen-þeowas. & ett & drincð [Note: MS. drincd. ] mid druncenan. ⁵⁰ þanne cymð þas weales hlaford on þam daige þe he ne wenð. & on þare tyde þe he nat. ⁵¹ & to-dælð hine. & asett his dæl mid liketeran. þær beoð wop & toke (sic) grist-bitunge.

²⁶ Ænd ge-cweðenen lofe hyo ferdon on ele-bergene munt.

²³ ac seo tid cymð; & nu ys. þonne soðe ge-bedmen biddeð þonne fader on gaste. & on sodfæstnysse. Witodlice se fader secð swilce; þe hyne ge-biddeð.

¹³ Witodlice wakiað. for-þan þe ge nyten ne þanne daig ne þa tide.

¹ Þanne beoð heofene rice gelic þam teon femnen. þe þa leoht-faten namen & ferden on-gen þanne bredgumen. & þare brede. ² Heora fif wæren desige & fif gleawe. ³ Ac þa fif desyge namen lihfaten (sic) & ne namen nenne ele mid heom. ⁴ Ða gleawe namen ele on heora leoht-faten. ⁵ Ða se bredgume ylecede. þa nïpeden hyo ealle & slepen. ⁶ Witodlice to middere nihte man cleopede & cwæð. nu se bredguma kymð fareð him to-genes. ⁷ Ða arisen ealle ða femnen & glendon heora leoht-faten. ⁸ Ða cwæðen þa dysige. to þan wisan. Selleð us of eowre ele. for-þan ure leoht-faten senden äcwencte. ⁹ Þa andsweredan þa wise. & cwæðen. nese þe læs þe we & ge nabben ge-noh. Gað to þam chepinge. & beggeð eow ele. ¹⁰ Witodlice þa hyo ferden & wolden byggen. þa com se bredgume. & þa þe gearewe wæron eode in mid þam bridgume to þam giftan. & syo duru wæs be-loken. ¹¹ Þa æt nextan comen þa oðre femnan & cwæðen. Drihten drihten læt us in. ¹² Þa andswerede he heom & cwæð. Soð ic eow segge ne can ic eow. ¹³ Witodlice wakiað. for-þan þe ge nyten ne þanne daig ne þa tide. ¹⁴ [Note: Homo quidam peregre proficiscens. uocauit seruos suos et tradidit illis bona sua. H. R. ] Sum man ferde on ealðeodinisse & cleopede hys þeowas. & be-tacte heom hys ehte. ¹⁵ & anen he sealde fif pund. sumen twa. sumen an. äihwilce be his agene mægene & ferde sone. ¹⁶ Ða ferde se þe þa fif pund under-feng & ge-streonede oðre fife. ¹⁷ & ealswa se þe þa twa under-feng. ge-streonede oðer twa. ¹⁸ Witodlice se þe þt an under-feng. ferde & be-dalf hit on eorðan. & be-hydde hys hlafordes feoh. ¹⁹ Witodlice æfter michele fyrste. com þare þeowa hlaford & dihte heom ge-ræd. ²⁰ Ða com se þe fif pund underfeng. & brohte oðre fif. & cwæð. Hlaford fif pund þu sealdest me. nu ic gestreonede oðre fife. ²¹ þa cwæð his hlaford to him. Beo blyðe þu gode þeow & ge-treowa for-þan þe þu wære ge-treowe ofer litle þinge. ic ge-sette þe ofer mycele ga in-to þines hlafordes blitse. ²² Þa com se þe twa pund underfeng. & cwæð. Hlaford twa pund þu me sealdest. nü ic hæbbe ge-streonod oðer twa. ²³ Ða cwæð his hlaford to him. Ge-blissa þu gode þeowa. & ge-treowa. for-þan þe þu wære ge-treowa ofer feawe. ofer fele ic þe sette. ga on þines hlafordes blisse. ²⁴ Ða com se þe an pund under-feng. & [quoth]. Hlaford ic wat þt þu ert hard man. þu ripst þær þu ne seowe. & gaderest þær þu ne sprengdest. ²⁵ & ic ferde ofdræd. & be-hedde þin pund on eorðan. her þu hæfst þt þin ys. ²⁶ Ða andswerede his hlaford him & cwæð. Þu efela þeow & slawe. þu wistest þæt ic ripe þt ic ne sawe. & ic gaderie þt ic ne stredde. ²⁷ hit ge-byrede þt þu be-fæstest minne feoh meneteren. & ic name þanne ic come þt min is mid þam gafele. ²⁸ Anymeð þæt pund æt hym & silleð þan þe me þa tyen pund brohte. ²⁹ Witodlice ælcen þare þe hafð man sylð. & he hafð ge-noh. Þam þe næfð þt him þincð þt he hæbbe. þt him byoð æt-broden. ³⁰ awurpað þanne unnyttan þeowan on þa utran þeostran. þær beoð wop. & toþe gristbitunge. ³¹ [Note: Cum uenerit filius hominis in maiestate eius et omnes angeli eius cum eo. H. R. ] Witodlice þanne mannes sune kymð on hys mægen-þrimme. & ealle ængles mid hym. þanne syt he ofer his mægen-þrimmes setel. ³² & ealle þeode beoð toforen him ge-gaderede. & he asyndreð hyo heom be-tweonen. swa swa se heorde asyndreð [Note: MS. asyndred. ] þa scep fram þa ticchenan. ³³ & he ge-set þa sceap on hys swiðren healfe. & þa ticcene on his wenstren healfe. ³⁴ [þa sæde se kyng to þan þe on his swiðren waren] [Note: The words þa... waren are added in the margin, in paler ink, over an erasure of cumeð ge ge-. ] cumeð ge ge-bletsede mines fæder. & onfoð [Note: MS. onfod. ] þa rice þe eow ge-garcod ys of midden-eardes fremðe. ³⁵ Me hingrede. & ge me sealden æten. me þyrste. & ge me sealden drincan. ic wæs cume & ge me in-laðode. ³⁶ ic wæs nacod. & ge me scredden. ic wæs untrum & ge eoden to me. ic wæs on cwarterne & ge comen to me. ³⁷ Ðanne andsweriað þa rihtwise & cwæðað. Drihten hwænne geseage we þe hingriende. & we þe feddan. þerstende. & we þe drenc sealde. ³⁸ hwanne ge-seage we þt þu cume wære. & we þe in-laðedon. oððe nacod & we þe scriddan ³⁹ oððe on cwarterne & comen to þe. ⁴⁰ þanne andswereð [Note: MS. -swered. ] se kyng heom. & cweð to heom. Soð ic eow segge. swa lange swa ge dyden anen of þisen minen lesten ge-broðren swa lange ge hyt dyden me. ⁴¹ Þanne sægð he þan þe beoð on hys winstren healfe. Ge-witeð aweregede fram me. on þæt eche fyr þe ys deofle & hys englen ge-garewað. ⁴² Witodlice me hingrede. & ge ne sealden me æten. Me þerste & ge me drincan ne sealden. ⁴³ Ic wæs cume. & ge me in ne laðoden. Ic wæs nacod & ge me ne scredden. ic wæs untrum & on cwarterne & ge ne comen to me. ⁴⁴ Þanne andsweriað hym þa & cweðeð. Drihten hwanne sæge we þe? hingriende. oððe þerstiende. oððe cuman. oððe untrum. oððe on cwarterne. & we ne ðeneden þe. ⁴⁵ Þanne andswereð se kyng heom. & cweð. Soð ic gu segge swa lange swa ge ne dydon anen of þisen læsten. ne dyden ge hit me. ⁴⁶ And þanne fareð hyo on ece [Note: The word susle is written over ece. ] pine. & þa riht-wise on ece lyf.