Bible verses about "love" | WestSaxon1175

³⁶ Lareow hwæt is þt mæste be-bod on þare lage. ³⁷ Ða cwæð se hælend. Lufe drihten þinne god on ealre þinre heorten. & on alre þinre sawle. & on eallen þine mode. ³⁸ þt is þt mæste & þt fyrmeste be-bod. ³⁹ Oðer is þan gelic lufe þine nextan swa swa þe selfne. ⁴⁰ On þisen twam be-boden beoð ge-fyld eal sy lage.

¹⁵ [Note: Si diligitis me mandata mea seruate. & ego rogabo patrem & alium paraclitum dabo uobis. ] Gyf ge me lufiað; healdod min be-bode

²⁹ Þa andswerede he hym. þt is þt mæste be-bod ealre israele ge-herie urne drihten god. he is an god. ³⁰ & lufe þinne drihten god. of ælre þinre heorten. & of ealre þinre sawle. & eallen þinen mode. & of eallen þinen maigne. þt is þt fermeste be-bod. ³¹ Soðlice is oðer þisen ge-lic. lufe þinne nexten swa þe sylfne. nis oðer mare be-bod.

³⁴ ic eow selle nywe be-bod. þæt ge lufian eow be-tweonan. swa ic eow lufode. ³⁵ Be þam eow ge-cnaweð ealle men. þæt ge synde mine leorning-cnihtas. gyf ge hæbbað lufe eow be-tweonan.

¹⁶ God lufede middan-eard swa þæt he sealde hys akennedan sune þæt nan ne for-wurðe þe on hine ge-lefð. Ac habbe þt eche lyf.

¹³ Nafeð nan man mare lufe þanne þeos is þæt hwa sylle hys lyf for hys freondan.