Bible verses about "wisdom" | Vulgate

¹⁵ via stulti recta in oculis eius qui autem sapiens est audit consilia

²³ quasi per risum stultus operatur scelus sapientia autem est viro prudentia

⁷ timor Domini principium scientiae sapientiam atque doctrinam stulti despiciunt

²⁰ audi consilium et suscipe disciplinam ut sis sapiens in novissimis tuis

¹⁵ cor prudens possidebit scientiam et auris sapientium quaerit doctrinam

²⁷ qui moderatur sermones suos doctus et prudens est et pretiosi spiritus vir eruditus ²⁸ stultus quoque si tacuerit sapiens putabitur et si conpresserit labia sua intellegens

¹⁶ verbum Christi habitet in vobis abundanter in omni sapientia docentes et commonentes vosmet ipsos psalmis hymnis canticis spiritalibus in gratia cantantes in cordibus vestris Deo

¹⁵ videte itaque fratres quomodo caute ambuletis non quasi insipientes sed ut sapientes ¹⁶ redimentes tempus quoniam dies mali sunt ¹⁷ propterea nolite fieri inprudentes sed intellegentes quae sit voluntas Domini

¹³ beatus homo qui invenit sapientiam et qui affluit prudentia ¹⁴ melior est adquisitio eius negotiatione argenti et auro primo fructus eius ¹⁵ pretiosior est cunctis opibus et omnia quae desiderantur huic non valent conparari ¹⁶ longitudo dierum in dextera eius in sinistra illius divitiae et gloria ¹⁷ viae eius viae pulchrae et omnes semitae illius pacificae ¹⁸ lignum vitae est his qui adprehenderint eam et qui tenuerit eam beatus

¹⁷ quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione

⁵ si quis autem vestrum indiget sapientiam postulet a Deo qui dat omnibus affluenter et non inproperat et dabitur ei