Bible verses about "sleep" | Vulgate

³ non det in commotionem pedem tuum nec dormitet qui custodit te ⁴ ecce non dormitabit neque dormiet qui custodiet Israhel

¹ qui habitat in abscondito Excelsi in umbraculo Domini commorabitur ² dicens Domino spes mea et fortitudo mea Deus meus confidam in eum ³ quia ipse liberabit te de laqueo venantium de morte insidiarum ⁴ in scapulis suis obumbrabit tibi et sub alis eius sperabis ⁵ scutum et protectio veritas eius non timebis a timore nocturno ⁶ a sagitta volante per diem a peste in tenebris ambulante a morsu insanientis meridie ⁷ cadent a latere tuo mille et decem milia a dextris tuis ad te autem non adpropinquabit ⁸ verumtamen oculis tuis videbis et ultionem impiorum cernes ⁹ tu enim es Domine spes mea Excelsum posuisti habitaculum tuum ¹⁰ non accedet ad te malum et lepra non adpropinquabit tabernaculo tuo ¹¹ quia angelis suis mandabit de te ut custodiant te in omnibus viis tuis ¹² in manibus portabunt te ne forte offendat ad lapidem pes tuus ¹³ super aspidem et basiliscum calcabis conculcabis leonem et draconem ¹⁴ quoniam mihi adhesit et liberabo eum exaltabo eum quoniam cognovit nomen meum ¹⁵ invocabit me et exaudiam eum cum ipso ero in tribulatione eruam eum et glorificabo ¹⁶ longitudine dierum implebo illum et ostendam ei salutare meum

²⁴ et ecce motus magnus factus est in mari ita ut navicula operiretur fluctibus ipse vero dormiebat

⁹ usquequo piger dormis quando consurges ex somno tuo

⁴ si dedero somnum oculis meis et palpebris dormitationem ⁵ donec inveniam locum Domino tabernacula Deo Iacob

¹⁰ paululum dormies paululum dormitabis paululum conseres manus ut dormias

⁵ ego dormivi et soporatus sum evigilavi quia Dominus sustentavit me

¹³ noli diligere somnum ne te egestas opprimat aperi oculos tuos et saturare panibus

² frustra vobis est de mane consurgere postquam sederitis qui manducatis panem idolorum sic dabit diligentibus se somnum

⁸ in pace simul requiescam et dormiam quia tu Domine specialiter securum habitare fecisti me

²⁴ si dormieris non timebis quiesces et suavis erit somnus tuus