Bible verses about "ministry" | Vulgate

⁸ et audivi vocem Domini dicentis quem mittam et quis ibit nobis et dixi ecce ego sum mitte me

¹⁸ et accedens Iesus locutus est eis dicens data est mihi omnis potestas in caelo et in terra ¹⁹ euntes ergo docete omnes gentes baptizantes eos in nomine Patris et Filii et Spiritus Sancti ²⁰ docentes eos servare omnia quaecumque mandavi vobis et ecce ego vobiscum sum omnibus diebus usque ad consummationem saeculi

¹ et introivit iterum synagogam et erat ibi homo habens manum aridam ² et observabant eum si sabbatis curaret ut accusarent illum ³ et ait homini habenti manum aridam surge in medium ⁴ et dicit eis licet sabbatis bene facere an male animam salvam facere an perdere at illi tacebant ⁵ et circumspiciens eos cum ira contristatus super caecitatem cordis eorum dicit homini extende manum tuam et extendit et restituta est manus illi ⁶ exeuntes autem statim Pharisaei cum Herodianis consilium faciebant adversus eum quomodo eum perderent ⁷ et Iesus cum discipulis suis secessit ad mare et multa turba a Galilaea et Iudaea secuta est eum ⁸ et ab Hierosolymis et ab Idumea et trans Iordanen et qui circa Tyrum et Sidonem multitudo magna audientes quae faciebat venerunt ad eum ⁹ et dixit discipulis suis ut navicula sibi deserviret propter turbam ne conprimerent eum ¹⁰ multos enim sanabat ita ut inruerent in eum ut illum tangerent quotquot habebant plagas ¹¹ et spiritus inmundi cum illum videbant procidebant ei et clamabant dicentes ¹² tu es Filius Dei et vehementer comminabatur eis ne manifestarent illum ¹³ et ascendens in montem vocavit ad se quos voluit ipse et venerunt ad eum ¹⁴ et fecit ut essent duodecim cum illo et ut mitteret eos praedicare ¹⁵ et dedit illis potestatem curandi infirmitates et eiciendi daemonia ¹⁶ et inposuit Simoni nomen Petrus ¹⁷ et Iacobum Zebedaei et Iohannem fratrem Iacobi et inposuit eis nomina Boanerges quod est Filii tonitrui ¹⁸ et Andream et Philippum et Bartholomeum et Mattheum et Thomam et Iacobum Alphei et Thaddeum et Simonem Cananeum ¹⁹ et Iudam Scarioth qui et tradidit illum ²⁰ et veniunt ad domum et convenit iterum turba ita ut non possent neque panem manducare ²¹ et cum audissent sui exierunt tenere eum dicebant enim quoniam in furorem versus est ²² et scribae qui ab Hierosolymis descenderant dicebant quoniam Beelzebub habet et quia in principe daemonum eicit daemonia ²³ et convocatis eis in parabolis dicebat illis quomodo potest Satanas Satanan eicere ²⁴ et si regnum in se dividatur non potest stare regnum illud ²⁵ et si domus super semet ipsam dispertiatur non poterit domus illa stare ²⁶ et si Satanas consurrexit in semet ipsum dispertitus est et non potest stare sed finem habet ²⁷ nemo potest vasa fortis ingressus in domum diripere nisi prius fortem alliget et tunc domum eius diripiet ²⁸ amen dico vobis quoniam omnia dimittentur filiis hominum peccata et blasphemiae quibus blasphemaverint ²⁹ qui autem blasphemaverit in Spiritum Sanctum non habet remissionem in aeternum sed reus erit aeterni delicti ³⁰ quoniam dicebant spiritum inmundum habet ³¹ et veniunt mater eius et fratres et foris stantes miserunt ad eum vocantes eum ³² et sedebat circa eum turba et dicunt ei ecce mater tua et fratres tui foris quaerunt te ³³ et respondens eis ait quae est mater mea et fratres mei ³⁴ et circumspiciens eos qui in circuitu eius sedebant ait ecce mater mea et fratres mei ³⁵ qui enim fecerit voluntatem Dei hic frater meus et soror mea et mater est

¹ Iesus autem plenus Spiritu Sancto regressus est ab Iordane et agebatur in Spiritu in desertum ² diebus quadraginta et temptabatur a diabolo et nihil manducavit in diebus illis et consummatis illis esuriit ³ dixit autem illi diabolus si Filius Dei es dic lapidi huic ut panis fiat ⁴ et respondit ad illum Iesus scriptum est quia non in pane solo vivet homo sed in omni verbo Dei ⁵ et duxit illum diabolus et ostendit illi omnia regna orbis terrae in momento temporis ⁶ et ait ei tibi dabo potestatem hanc universam et gloriam illorum quia mihi tradita sunt et cui volo do illa ⁷ tu ergo si adoraveris coram me erunt tua omnia ⁸ et respondens Iesus dixit illi scriptum est Dominum Deum tuum adorabis et illi soli servies ⁹ et duxit illum in Hierusalem et statuit eum supra pinnam templi et dixit illi si Filius Dei es mitte te hinc deorsum ¹⁰ scriptum est enim quod angelis suis mandabit de te ut conservent te ¹¹ et quia in manibus tollent te ne forte offendas ad lapidem pedem tuum ¹² et respondens Iesus ait illi dictum est non temptabis Dominum Deum tuum

¹ obsecro itaque vos fratres per misericordiam Dei ut exhibeatis corpora vestra hostiam viventem sanctam Deo placentem rationabile obsequium vestrum ² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta ³ dico enim per gratiam quae data est mihi omnibus qui sunt inter vos non plus sapere quam oportet sapere sed sapere ad sobrietatem unicuique sicut Deus divisit mensuram fidei ⁴ sicut enim in uno corpore multa membra habemus omnia autem membra non eundem actum habent ⁵ ita multi unum corpus sumus in Christo singuli autem alter alterius membra ⁶ habentes autem donationes secundum gratiam quae data est nobis differentes sive prophetiam secundum rationem fidei ⁷ sive ministerium in ministrando sive qui docet in doctrina ⁸ qui exhortatur in exhortando qui tribuit in simplicitate qui praeest in sollicitudine qui miseretur in hilaritate

¹ et ego fratres non potui vobis loqui quasi spiritalibus sed quasi carnalibus tamquam parvulis in Christo ² lac vobis potum dedi non escam nondum enim poteratis sed ne nunc quidem potestis adhuc enim estis carnales ³ cum enim sit inter vos zelus et contentio nonne carnales estis et secundum hominem ambulatis ⁴ cum enim quis dicit ego quidem sum Pauli alius autem ego Apollo nonne homines estis quid igitur est Apollo quid vero Paulus ⁵ ministri eius cui credidistis et unicuique sicut Dominus dedit ⁶ ego plantavi Apollo rigavit sed Deus incrementum dedit ⁷ itaque neque qui plantat est aliquid neque qui rigat sed qui incrementum dat Deus ⁸ qui plantat autem et qui rigat unum sunt unusquisque autem propriam mercedem accipiet secundum suum laborem ⁹ Dei enim sumus adiutores Dei agricultura estis Dei aedificatio estis ¹⁰ secundum gratiam Dei quae data est mihi ut sapiens architectus fundamentum posui alius autem superaedificat unusquisque autem videat quomodo superaedificet ¹¹ fundamentum enim aliud nemo potest ponere praeter id quod positum est qui est Christus Iesus ¹² si quis autem superaedificat supra fundamentum hoc aurum argentum lapides pretiosos ligna faenum stipulam ¹³ uniuscuiusque opus manifestum erit dies enim declarabit quia in igne revelabitur et uniuscuiusque opus quale sit ignis probabit ¹⁴ si cuius opus manserit quod superaedificavit mercedem accipiet ¹⁵ si cuius opus arserit detrimentum patietur ipse autem salvus erit sic tamen quasi per ignem ¹⁶ nescitis quia templum Dei estis et Spiritus Dei habitat in vobis ¹⁷ si quis autem templum Dei violaverit disperdet illum Deus templum enim Dei sanctum est quod estis vos ¹⁸ nemo se seducat si quis videtur inter vos sapiens esse in hoc saeculo stultus fiat ut sit sapiens ¹⁹ sapientia enim huius mundi stultitia est apud Deum scriptum est enim conprehendam sapientes in astutia eorum ²⁰ et iterum Dominus novit cogitationes sapientium quoniam vanae sunt ²¹ itaque nemo glorietur in hominibus omnia enim vestra sunt ²² sive Paulus sive Apollo sive Cephas sive mundus sive vita sive mors sive praesentia sive futura omnia enim vestra sunt ²³ vos autem Christi Christus autem Dei

¹¹ scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse ¹² non iterum nos commendamus vobis sed occasionem damus vobis gloriandi pro nobis ut habeatis ad eos qui in facie gloriantur et non in corde ¹³ sive enim mente excedimus Deo sive sobrii sumus vobis ¹⁴ caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt ¹⁵ et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexit ¹⁶ itaque nos ex hoc neminem novimus secundum carnem et si cognovimus secundum carnem Christum sed nunc iam non novimus ¹⁷ si qua ergo in Christo nova creatura vetera transierunt ecce facta sunt nova ¹⁸ omnia autem ex Deo qui reconciliavit nos sibi per Christum et dedit nobis ministerium reconciliationis ¹⁹ quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis ²⁰ pro Christo ergo legationem fungimur tamquam Deo exhortante per nos obsecramus pro Christo reconciliamini Deo

¹ ideo habentes hanc ministrationem iuxta quod misericordiam consecuti sumus non deficimus ² sed abdicamus occulta dedecoris non ambulantes in astutia neque adulterantes verbum Dei sed in manifestatione veritatis commendantes nosmet ipsos ad omnem conscientiam hominum coram Deo ³ quod si etiam opertum est evangelium nostrum in his qui pereunt est opertum ⁴ in quibus deus huius saeculi excaecavit mentes infidelium ut non fulgeat inluminatio evangelii gloriae Christi qui est imago Dei ⁵ non enim nosmet ipsos praedicamus sed Iesum Christum Dominum nos autem servos vestros per Iesum ⁶ quoniam Deus qui dixit de tenebris lucem splendescere qui inluxit in cordibus nostris ad inluminationem scientiae claritatis Dei in facie Christi Iesu ⁷ habemus autem thesaurum istum in vasis fictilibus ut sublimitas sit virtutis Dei et non ex nobis ⁸ in omnibus tribulationem patimur sed non angustiamur aporiamur sed non destituimur ⁹ persecutionem patimur sed non derelinquimur deicimur sed non perimus ¹⁰ semper mortificationem Iesu in corpore nostro circumferentes ut et vita Iesu in corporibus nostris manifestetur ¹¹ semper enim nos qui vivimus in mortem tradimur propter Iesum ut et vita Iesu manifestetur in carne nostra mortali ¹² ergo mors in nobis operatur vita autem in vobis ¹³ habentes autem eundem spiritum fidei sicut scriptum est credidi propter quod locutus sum et nos credimus propter quod et loquimur ¹⁴ scientes quoniam qui suscitavit Iesum et nos cum Iesu suscitabit et constituet vobiscum ¹⁵ omnia enim propter vos ut gratia abundans per multos gratiarum actione abundet in gloriam Dei ¹⁶ propter quod non deficimus sed licet is qui foris est noster homo corrumpitur tamen is qui intus est renovatur de die in diem ¹⁷ id enim quod in praesenti est momentaneum et leve tribulationis nostrae supra modum in sublimitatem aeternum gloriae pondus operatur nobis ¹⁸ non contemplantibus nobis quae videntur sed quae non videntur quae enim videntur temporalia sunt quae autem non videntur aeterna sunt

⁶ qui et idoneos nos fecit ministros novi testamenti non litterae sed Spiritus littera enim occidit Spiritus autem vivificat

²⁴ sed nihil horum vereor nec facio animam pretiosiorem quam me dummodo consummem cursum meum et ministerium quod accepi a Domino Iesu testificari evangelium gratiae Dei

¹ testificor coram Deo et Christo Iesu qui iudicaturus est vivos ac mortuos et adventum ipsius et regnum eius ² praedica verbum insta oportune inportune argue obsecra increpa in omni patientia et doctrina ³ erit enim tempus cum sanam doctrinam non sustinebunt sed ad sua desideria coacervabunt sibi magistros prurientes auribus ⁴ et a veritate quidem auditum avertent ad fabulas autem convertentur ⁵ tu vero vigila in omnibus labora opus fac evangelistae ministerium tuum imple

¹⁰ humiliamini in conspectu Domini et exaltabit vos

⁷ mementote praepositorum vestrorum qui vobis locuti sunt verbum Dei quorum intuentes exitum conversationis imitamini fidem

³ nemini dantes ullam offensionem ut non vituperetur ministerium ⁴ sed in omnibus exhibeamus nosmet ipsos sicut Dei ministros in multa patientia in tribulationibus in necessitatibus in angustiis ⁵ in plagis in carceribus in seditionibus in laboribus in vigiliis in ieiuniis ⁶ in castitate in scientia in longanimitate in suavitate in Spiritu Sancto in caritate non ficta ⁷ in verbo veritatis in virtute Dei per arma iustitiae a dextris et sinistris ⁸ per gloriam et ignobilitatem per infamiam et bonam famam ut seductores et veraces sicut qui ignoti et cogniti ⁹ quasi morientes et ecce vivimus ut castigati et non mortificati ¹⁰ quasi tristes semper autem gaudentes sicut egentes multos autem locupletantes tamquam nihil habentes et omnia possidentes

¹⁵ sollicite cura te ipsum probabilem exhibere Deo operarium inconfusibilem recte tractantem verbum veritatis

¹² nemo adulescentiam tuam contemnat sed exemplum esto fidelium in verbo in conversatione in caritate in fide in castitate

¹³ omnis enim quicumque invocaverit nomen Domini salvus erit ¹⁴ quomodo ergo invocabunt in quem non crediderunt aut quomodo credent ei quem non audierunt quomodo autem audient sine praedicante ¹⁵ quomodo vero praedicabunt nisi mittantur sicut scriptum est quam speciosi pedes evangelizantium pacem evangelizantium bona

¹¹ et ipse dedit quosdam quidem apostolos quosdam autem prophetas alios vero evangelistas alios autem pastores et doctores ¹² ad consummationem sanctorum in opus ministerii in aedificationem corporis Christi ¹³ donec occurramus omnes in unitatem fidei et agnitionis Filii Dei in virum perfectum in mensuram aetatis plenitudinis Christi