Bible verses about "intelligence" | Vulgate

²⁴ et universa terra desiderabat vultum Salomonis ut audiret sapientiam eius quam dederat Deus in corde eius

³ et mihi est cor sicut et vobis nec inferior vestri sum quis enim haec quae nostis ignorat

¹⁷ pueris autem his dedit Deus scientiam et disciplinam in omni libro et sapientia Daniheli autem intellegentiam omnium visionum et somniorum

⁶ habentes autem donationes secundum gratiam quae data est nobis differentes sive prophetiam secundum rationem fidei ⁷ sive ministerium in ministrando sive qui docet in doctrina ⁸ qui exhortatur in exhortando qui tribuit in simplicitate qui praeest in sollicitudine qui miseretur in hilaritate

¹⁶ quis enim cognovit sensum Domini qui instruat eum nos autem sensum Christi habemus

²³ quodcumque facitis ex animo operamini sicut Domino et non hominibus

⁷ non enim dedit nobis Deus spiritum timoris sed virtutis et dilectionis et sobrietatis

¹⁹ in multiloquio peccatum non deerit qui autem moderatur labia sua prudentissimus est

¹² et dabitur liber nescienti litteras diceturque ei lege et respondebit nescio litteras

¹⁴ audivi de te quoniam spiritum deorum habeas et scientia intellegentiaque ac sapientia ampliores inventae sint in te

⁹ et hoc oro ut caritas vestra magis ac magis abundet in scientia et omni sensu ¹⁰ ut probetis potiora ut sitis sinceres et sine offensa in diem Christi ¹¹ repleti fructu iustitiae per Christum Iesum in gloriam et laudem Dei

⁶ quia Dominus dat sapientiam et ex ore eius scientia et prudentia

⁷ timor Domini principium scientiae sapientiam atque doctrinam stulti despiciunt

⁵ vos autem curam omnem subinferentes ministrate in fide vestra virtutem in virtute autem scientiam

¹ parabolae Salomonis filii David regis Israhel ² ad sciendam sapientiam et disciplinam ³ ad intellegenda verba prudentiae et suscipiendam eruditionem doctrinae iustitiam et iudicium et aequitatem ⁴ ut detur parvulis astutia adulescenti scientia et intellectus ⁵ audiens sapiens sapientior erit et intellegens gubernacula possidebit ⁶ animadvertet parabolam et interpretationem verba sapientium et enigmata eorum ⁷ timor Domini principium scientiae sapientiam atque doctrinam stulti despiciunt ⁸ audi fili mi disciplinam patris tui et ne dimittas legem matris tuae ⁹ ut addatur gratia capiti tuo et torques collo tuo ¹⁰ fili mi si te lactaverint peccatores ne adquiescas ¹¹ si dixerint veni nobiscum insidiemur sanguini abscondamus tendiculas contra insontem frustra ¹² degluttiamus eum sicut infernus viventem et integrum quasi descendentem in lacum ¹³ omnem pretiosam substantiam repperiemus implebimus domos nostras spoliis ¹⁴ sortem mitte nobiscum marsuppium unum sit omnium nostrum ¹⁵ fili mi ne ambules cum eis prohibe pedem tuum a semitis eorum ¹⁶ pedes enim illorum ad malum currunt et festinant ut effundant sanguinem ¹⁷ frustra autem iacitur rete ante oculos pinnatorum ¹⁸ ipsique contra sanguinem suum insidiantur et moliuntur fraudes contra animas suas ¹⁹ sic semitae omnis avari animas possidentium rapiunt ²⁰ sapientia foris praedicat in plateis dat vocem suam ²¹ in capite turbarum clamitat in foribus portarum urbis profert verba sua dicens ²² usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiam ²³ convertimini ad correptionem meam en proferam vobis spiritum meum et ostendam verba mea ²⁴ quia vocavi et rennuistis extendi manum meam et non fuit qui aspiceret ²⁵ despexistis omne consilium meum et increpationes meas neglexistis ²⁶ ego quoque in interitu vestro ridebo et subsannabo cum vobis quod timebatis advenerit ²⁷ cum inruerit repentina calamitas et interitus quasi tempestas ingruerit quando venerit super vos tribulatio et angustia ²⁸ tunc invocabunt me et non exaudiam mane consurgent et non invenient me ²⁹ eo quod exosam habuerint disciplinam et timorem Domini non susceperint ³⁰ nec adquieverint consilio meo et detraxerint universae correptioni meae ³¹ comedent igitur fructus viae suae suisque consiliis saturabuntur ³² aversio parvulorum interficiet eos et prosperitas stultorum perdet illos ³³ qui autem me audierit absque terrore requiescet et abundantia perfruetur malorum timore sublato