Bible verses about "injustice" | Vulgate

⁷ mendacium fugies insontem et iustum non occides quia aversor impium

¹ non suscipies vocem mendacii nec iunges manum tuam ut pro impio dicas falsum testimonium ² non sequeris turbam ad faciendum malum nec in iudicio plurimorum adquiesces sententiae ut a vero devies ³ pauperis quoque non misereberis in negotio

⁸ quam ob rem ego deprecabor Dominum et ad Deum ponam eloquium meum ⁹ qui facit magna et inscrutabilia et mirabilia absque numero ¹⁰ qui dat pluviam super faciem terrae et inrigat aquis universa ¹¹ qui ponit humiles in sublimi et maerentes erigit sospitate ¹² qui dissipat cogitationes malignorum ne possint implere manus eorum quod coeperant ¹³ qui adprehendit sapientes in astutia eorum et consilium pravorum dissipat ¹⁴ per diem incurrent tenebras et quasi in nocte sic palpabunt in meridie ¹⁵ porro salvum faciet a gladio oris eorum et de manu violenti pauperem ¹⁶ et erit egeno spes iniquitas autem contrahet os suum

² usquequo iudicatis iniquitatem et facies impiorum suscipitis semper

⁸ aperi os tuum muto et causis omnium filiorum qui pertranseunt ⁹ aperi os tuum decerne quod iustum est et iudica inopem et pauperem

⁵ Dominus iustus in medio eius non faciet iniquitatem mane mane iudicium suum dabit in luce et non abscondetur nescivit autem iniquus confusionem

¹⁵ non facies quod iniquum est nec iniuste iudicabis nec consideres personam pauperis nec honores vultum potentis iuste iudica proximo tuo

¹ iudica me Deus et discerne causam meam a gente non sancta a viro doloso et iniquo salva me

⁸ si videris calumnias egenorum et violenta iudicia et subverti iustitiam in provincia non mireris super hoc negotio quia excelso alius excelsior est et super hos quoque eminentiores sunt alii

²⁷ abominantur iusti virum impium et abominantur impii eos qui in recta sunt via

⁸ indicabo tibi o homo quid sit bonum et quid Dominus quaerat a te utique facere iudicium et diligere misericordiam et sollicitum ambulare cum Deo tuo

³ haec dicit Dominus facite iudicium et iustitiam et liberate vi oppressum de manu calumniatoris et advenam et pupillum et viduam nolite contristare neque opprimatis inique et sanguinem innocentem ne effundatis in loco isto ⁴ si enim facientes feceritis verbum istud ingredientur per portas domus huius reges sedentes de genere David super thronum eius et ascendentes currus et equos ipsi et servi et populus eorum ⁵ quod si non audieritis verba haec in memet ipso iuravi dicit Dominus quia in solitudinem erit domus haec

¹⁵ et qui iustificat impium et qui condemnat iustum abominabilis est uterque apud Dominum