Bible verses about "greatness" | Vulgate

²⁶ et ait faciamus hominem ad imaginem et similitudinem nostram et praesit piscibus maris et volatilibus caeli et bestiis universaeque terrae omnique reptili quod movetur in terra

³ qui sanat contritos corde et alligat plagas eorum

¹ David canticum Domini est terra et plenitudo eius orbis et habitatores eius ² quia ipse super maria fundavit eum et super flumina stabilivit illum ³ quis ascendet in montem Domini et quis stabit in loco sancto eius ⁴ innocens manibus et mundo corde qui non exaltavit frustra animam suam et non iuravit dolose ⁵ accipiet benedictionem a Domino et iustitiam a Deo salutari suo ⁶ haec generatio quaerentium eum quaerentium faciem tuam Iacob semper ⁷ levate portae capita vestra et elevamini ianuae sempiternae et ingrediatur rex gloriae ⁸ quis est iste rex gloriae Dominus fortis et potens Dominus fortis in proelio ⁹ levate portae capita vestra et erigite ianuae sempiternae et ingrediatur rex gloriae ¹⁰ quis est iste rex gloriae Dominus exercituum ipse est rex gloriae semper

¹ spiritus Domini super me eo quod unxerit Dominus me ad adnuntiandum mansuetis misit me ut mederer contritis corde et praedicarem captivis indulgentiam et clausis apertionem

¹¹ ego enim scio cogitationes quas cogito super vos ait Dominus cogitationes pacis et non adflictionis ut dem vobis finem et patientiam

²⁸ sicut Filius hominis non venit ministrari sed ministrare et dare animam suam redemptionem pro multis

²⁵ Iesus autem vocavit eos ad se et ait scitis quia principes gentium dominantur eorum et qui maiores sunt potestatem exercent in eos ²⁶ non ita erit inter vos sed quicumque voluerit inter vos maior fieri sit vester minister ²⁷ et qui voluerit inter vos primus esse erit vester servus ²⁸ sicut Filius hominis non venit ministrari sed ministrare et dare animam suam redemptionem pro multis

¹ in illa hora accesserunt discipuli ad Iesum dicentes quis putas maior est in regno caelorum ² et advocans Iesus parvulum statuit eum in medio eorum ³ et dixit amen dico vobis nisi conversi fueritis et efficiamini sicut parvuli non intrabitis in regnum caelorum ⁴ quicumque ergo humiliaverit se sicut parvulus iste hic est maior in regno caelorum ⁵ et qui susceperit unum parvulum talem in nomine meo me suscipit

¹⁰ nec vocemini magistri quia magister vester unus est Christus ¹¹ qui maior est vestrum erit minister vester ¹² qui autem se exaltaverit humiliabitur et qui se humiliaverit exaltabitur

²⁸ dico enim vobis maior inter natos mulierum propheta Iohanne Baptista nemo est qui autem minor est in regno Dei maior est illo

²⁰ vivo autem iam non ego vivit vero in me Christus quod autem nunc vivo in carne in fide vivo Filii Dei qui dilexit me et tradidit se ipsum pro me

²⁸ scimus autem quoniam diligentibus Deum omnia cooperantur in bonum his qui secundum propositum vocati sunt sancti

¹ si linguis hominum loquar et angelorum caritatem autem non habeam factus sum velut aes sonans aut cymbalum tinniens ² et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum ³ et si distribuero in cibos pauperum omnes facultates meas et si tradidero corpus meum ut ardeam caritatem autem non habuero nihil mihi prodest ⁴ caritas patiens est benigna est caritas non aemulatur non agit perperam non inflatur ⁵ non est ambitiosa non quaerit quae sua sunt non inritatur non cogitat malum ⁶ non gaudet super iniquitatem congaudet autem veritati ⁷ omnia suffert omnia credit omnia sperat omnia sustinet ⁸ caritas numquam excidit sive prophetiae evacuabuntur sive linguae cessabunt sive scientia destruetur ⁹ ex parte enim cognoscimus et ex parte prophetamus ¹⁰ cum autem venerit quod perfectum est evacuabitur quod ex parte est ¹¹ cum essem parvulus loquebar ut parvulus sapiebam ut parvulus cogitabam ut parvulus quando factus sum vir evacuavi quae erant parvuli ¹² videmus nunc per speculum in enigmate tunc autem facie ad faciem nunc cognosco ex parte tunc autem cognoscam sicut et cognitus sum ¹³ nunc autem manet fides spes caritas tria haec maior autem his est caritas

¹⁷ quia Dominus Deus vester ipse est Deus deorum et Dominus dominantium Deus magnus et potens et terribilis qui personam non accipit nec munera

⁶ dabis ei potestatem super opera manuum tuarum

¹⁵ erit enim magnus coram Domino et vinum et sicera non bibet et Spiritu Sancto replebitur adhuc ex utero matris suae

⁵ tonabit Deus in voce sua mirabiliter qui facit magna et inscrutabilia

²¹ ego autem confitebor tibi in vasis psalterii veritatem tuam Deus meus cantabo tibi in cithara Sancte Israhel

² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

¹³ omnia possum in eo qui me confortat