Bible verses about "freedom" | Vulgate

²² nunc vero liberati a peccato servi autem facti Deo habetis fructum vestrum in sanctificationem finem vero vitam aeternam

¹ nihil ergo nunc damnationis est his qui sunt in Christo Iesu qui non secundum carnem ambulant ² lex enim Spiritus vitae in Christo Iesu liberavit me a lege peccati et mortis ³ nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne ⁴ ut iustificatio legis impleretur in nobis qui non secundum carnem ambulamus sed secundum Spiritum

⁷ non enim dedit nobis Deus spiritum timoris sed virtutis et dilectionis et sobrietatis

²⁵ qui autem perspexerit in lege perfecta libertatis et permanserit non auditor obliviosus factus sed factor operis hic beatus in facto suo erit

¹ spiritus Domini super me eo quod unxerit Dominus me ad adnuntiandum mansuetis misit me ut mederer contritis corde et praedicarem captivis indulgentiam et clausis apertionem

³⁶ si ergo Filius vos liberaverit vere liberi eritis

³² et cognoscetis veritatem et veritas liberabit vos

¹³ vos enim in libertatem vocati estis fratres tantum ne libertatem in occasionem detis carnis sed per caritatem servite invicem

¹⁷ Dominus autem Spiritus est ubi autem Spiritus Domini ibi libertas

¹⁶ quasi liberi et non quasi velamen habentes malitiae libertatem sed sicut servi Dei

¹ state et nolite iterum iugo servitutis contineri