Bible verses about "debt" | Vulgate

²⁵ si pecuniam mutuam dederis populo meo pauperi qui habitat tecum non urgues eum quasi exactor nec usuris opprimes ²⁶ si pignus a proximo tuo acceperis vestimentum ante solis occasum redde ei ²⁷ ipsum enim est solum quo operitur indumentum carnis eius nec habet aliud in quo dormiat si clamaverit ad me exaudiam eum quia misericors sum

¹² aperiet Dominus thesaurum suum optimum caelum ut tribuat pluviam terrae tuae in tempore suo benedicet cunctis operibus manuum tuarum et fenerabis gentibus multis et ipse a nullo fenus accipies

²⁰ thesaurus desiderabilis et oleum in habitaculo iusti et inprudens homo dissipabit illud

³³ quaerite autem primum regnum et iustitiam eius et omnia haec adicientur vobis

¹⁰ qui fidelis est in minimo et in maiori fidelis est et qui in modico iniquus est et in maiori iniquus est

¹³ temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere

²² bonus relinquet heredes filios et nepotes et custoditur iusto substantia peccatoris

²⁶ noli esse cum his qui defigunt manus suas et qui vades se offerunt pro debitis

²⁴ nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonae

¹¹ si ergo in iniquo mamona fideles non fuistis quod verum est quis credet vobis

⁶ nihil solliciti sitis sed in omni oratione et obsecratione cum gratiarum actione petitiones vestrae innotescant apud Deum ⁷ et pax Dei quae exsuperat omnem sensum custodiat corda vestra et intellegentias vestras in Christo Iesu

⁸ si quis autem suorum et maxime domesticorum curam non habet fidem negavit et est infideli deterior

²⁸ quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum

²¹ lameth fenus accipit impius et non reddit iustus autem donat et tribuit

⁸ nemini quicquam debeatis nisi ut invicem diligatis qui enim diligit proximum legem implevit

⁷ reddite omnibus debita cui tributum tributum cui vectigal vectigal cui timorem timorem cui honorem honorem

⁷ dives pauperibus imperat et qui accipit mutuum servus est fenerantis