Bible verses about "challenges" | Vulgate

⁴⁵ dixit autem David ad Philistheum tu venis ad me cum gladio et hasta et clypeo ego autem venio ad te in nomine Domini exercituum Dei agminum Israhel quibus exprobrasti

³⁰ et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum

¹⁶ sic enim dilexit Deus mundum ut Filium suum unigenitum daret ut omnis qui credit in eum non pereat sed habeat vitam aeternam

¹ nihil ergo nunc damnationis est his qui sunt in Christo Iesu qui non secundum carnem ambulant

¹ nolo enim vos ignorare fratres quoniam patres nostri omnes sub nube fuerunt et omnes mare transierunt ² et omnes in Mose baptizati sunt in nube et in mari ³ et omnes eandem escam spiritalem manducaverunt ⁴ et omnes eundem potum spiritalem biberunt bibebant autem de spiritali consequenti eos petra petra autem erat Christus ⁵ sed non in pluribus eorum beneplacitum est Deo nam prostrati sunt in deserto ⁶ haec autem in figura facta sunt nostri ut non simus concupiscentes malorum sicut et illi concupierunt ⁷ neque idolorum cultores efficiamini sicut quidam ex ipsis quemadmodum scriptum est sedit populus manducare et bibere et surrexerunt ludere ⁸ neque fornicemur sicut quidam ex ipsis fornicati sunt et ceciderunt una die viginti tria milia ⁹ neque temptemus Christum sicut quidam eorum temptaverunt et a serpentibus perierunt ¹⁰ neque murmuraveritis sicut quidam eorum murmuraverunt et perierunt ab exterminatore ¹¹ haec autem omnia in figura contingebant illis scripta sunt autem ad correptionem nostram in quos fines saeculorum devenerunt ¹² itaque qui se existimat stare videat ne cadat ¹³ temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere ¹⁴ propter quod carissimi mihi fugite ab idolorum cultura ¹⁵ ut prudentibus loquor vos iudicate quod dico ¹⁶ calicem benedictionis cui benedicimus nonne communicatio sanguinis Christi est et panis quem frangimus nonne participatio corporis Domini est ¹⁷ quoniam unus panis unum corpus multi sumus omnes quidem de uno pane participamur ¹⁸ videte Israhel secundum carnem nonne qui edunt hostias participes sunt altaris ¹⁹ quid ergo dico quod idolis immolatum sit aliquid aut quod idolum sit aliquid ²⁰ sed quae immolant gentes daemoniis immolant et non Deo nolo autem vos socios fieri daemoniorum non potestis calicem Domini bibere et calicem daemoniorum ²¹ non potestis mensae Domini participes esse et mensae daemoniorum ²² an aemulamur Dominum numquid fortiores illo sumus omnia licent sed non omnia expediunt ²³ omnia licent sed non omnia aedificant ²⁴ nemo quod suum est quaerat sed quod alterius ²⁵ omne quod in macello venit manducate nihil interrogantes propter conscientiam ²⁶ Domini est terra et plenitudo eius ²⁷ si quis vocat vos infidelium et vultis ire omne quod vobis adponitur manducate nihil interrogantes propter conscientiam ²⁸ si quis autem dixerit hoc immolaticium est idolis nolite manducare propter illum qui indicavit et propter conscientiam ²⁹ conscientiam autem dico non tuam sed alterius ut quid enim libertas mea iudicatur ab alia conscientia ³⁰ si ego cum gratia participo quid blasphemor pro eo quod gratias ago ³¹ sive ergo manducatis sive bibitis vel aliud quid facitis omnia in gloriam Dei facite ³² sine offensione estote Iudaeis et gentilibus et ecclesiae Dei ³³ sicut et ego per omnia omnibus placeo non quaerens quod mihi utile est sed quod multis ut salvi fiant

⁹ vos autem genus electum regale sacerdotium gens sancta populus adquisitionis ut virtutes adnuntietis eius qui de tenebris vos vocavit in admirabile lumen suum

¹⁷ non eritis vos qui dimicabitis sed tantummodo confidenter state et videbitis auxilium Domini super vos o Iuda et Hierusalem nolite timere nec paveatis cras egredimini contra eos et Dominus erit vobiscum

¹ canticum David Dominus pascit me nihil mihi deerit ² in pascuis herbarum adclinavit me super aquas refectionis enutrivit me ³ animam meam refecit duxit me per semitas iustitiae propter nomen suum ⁴ sed et si ambulavero in valle mortis non timebo malum quoniam tu mecum es virga tua et baculus tuus ipsa consolabuntur me ⁵ pones coram me mensam ex adverso hostium meorum inpinguasti oleo caput meum calix meus inebrians ⁶ sed et benignitas et misericordia subsequetur me omnibus diebus vitae meae et habitabo in domo Domini in longitudine dierum

¹⁸ timor non est in caritate sed perfecta caritas foras mittit timorem quoniam timor poenam habet qui autem timet non est perfectus in caritate

¹⁰ Deus autem omnis gratiae qui vocavit nos in aeternam suam gloriam in Christo Iesu modicum passos ipse perficiet confirmabit solidabit

¹³ temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere

⁵ sint mores sine avaritia contenti praesentibus ipse enim dixit non te deseram neque derelinquam

¹³ omnia possum in eo qui me confortat

⁸ in omnibus tribulationem patimur sed non angustiamur aporiamur sed non destituimur ⁹ persecutionem patimur sed non derelinquimur deicimur sed non perimus

⁶ nihil solliciti sitis sed in omni oratione et obsecratione cum gratiarum actione petitiones vestrae innotescant apud Deum

² omne gaudium existimate fratres mei cum in temptationibus variis incideritis ³ scientes quod probatio fidei vestrae patientiam operatur ⁴ patientia autem opus perfectum habeat ut sitis perfecti et integri in nullo deficientes